8 மணி நேரம் செல்போன் யூஸ் பண்ணலைனா ரூ.1 லட்சம் பரிசு… சீன பெண் எடுத்த வித்தியாசமான ட்ரிக்ஸ்.. என்ன தெரியுமா?

உங்கள் செல்போனை பார்க்காமல் ஒரு நிமிடம் கூட கடத்துவது கடினம் என்று மாறிவிட்ட உலகில், நீண்ட நேரம் மொபைல் போன் பயன்படுத்தாமல் இருப்பதால் கிடைக்கும் பலன்களையும் அதிலுள்ள சவால்களையும் நிரூபித்துள்ளார் ஒரு சீனப் பெண். இவரும் மற்ற 9 போட்டியாளர்களும் தங்கள் மொபைல் போன்களை பயன்படுத்தாமல், எந்தவித எலெக்ட்ரானிக் சாதனங்களைப் பயன்படுத்தாமல் இருக்கும் 8 மணிநேரப் போட்டியில் கலந்துகொண்டனர். இதில் அனைவரையும் மிஞ்சி வெற்றிகரமாக முடித்த சீனப் பெண்ணுக்கு 10,000 யுவான் (தோராயமாக ரூ.1.1 லட்சம்) பரிசக கொடுக்கப்பட்டது.

இந்த தனித்துவமான சவால் நிறைந்த போட்டி நவம்பர் 29 அன்று சீனாவின் சோங்கிங்கில் உள்ள ஒரு ஷாப்பிங் சென்டரில் நடந்தது. போட்டிக்கு விண்ணப்பித்த 100 நபர்களில், 10 பேர் மட்டுமே பங்கேற்க தேர்ந்தெடுக்கப்பட்டனர். போட்டியின் விதிகள் எளிமையானவையாக தெரிந்தாலும் அவை மிகவும் கடினமானவை.

போட்டியின் விதிமுறைகள் : மொபைல் போன்கள், ஐபாட்கள், மடிக்கணினிகள் அல்லது வேறு எந்த சாதனங்களையும் குறிப்பிட்ட நேரத்திற்கு பயன்படுத்தக் கூடாது. இந்தப் போட்டியில் பங்கேற்றவர்களுக்கு கால் செய்யும் அம்சம் மட்டுமே கொண்ட பழைய ஃபோன் மட்டுமே கொடுக்கப்பட்டது. இது அவசரகாலத்தில் குடும்ப உறுப்பினர்களைத் தொடர்புகொள்வதற்காக வழங்கப்பட்டது.

இருப்பினும், இந்தப் போட்டி மொபைல் போன்களை பயன்படுத்தாமல் இருப்பது மட்டுமல்ல. போட்டியாளர்கள் கழிவறை செல்வதற்கு கூட கடுமையான நேர வரம்புகளை கடைபிடித்து, முழு எட்டு மணிநேரமும் படுக்கையில் இருக்க வேண்டியிருந்தது. போட்டியாளர்கள் தூங்காமல் இருப்பதை பார்க்கவும் அல்லது பதட்டத்தின் அறிகுறிகளை வெளிப்படுத்தவில்லை என்பதை உறுதிப்படுத்தவும் மணிக்கட்டுப் பட்டைகளைப் பயன்படுத்தி கண்காணிக்கப்பட்டனர். படிப்பதன் மூலமோ அல்லது கண்களை மூடிக்கொண்டு ஓய்வெடுப்பதன் மூலமோ அமைதியான மற்றும் கவனம் செலுத்தும் நிலையை பராமரிப்பதே இந்தப் போட்டியின் முக்கிய குறிக்கோள்.

இறைச்சியை விட அதிக புரதம் கொண்ட 9 விதைகள்.!
மேலும் செய்திகள்…