நகைப்பிரியர்களுக்கு அலர்ட்.. 2025ஆம் ஆண்டில் தங்கத்தின் விலை என்ன தெரியுமா? – News18 தமிழ்

2025ஆம் ஆண்டில் தங்கத்தின் விலை எப்படி இருக்கும் என்று சில கருத்துகள் பரவி வருகின்றன. அதுகுறித்து இங்கே பார்க்கலாம்.

தங்கம் விலையில் ஏற்ற இறக்கங்கள் இருப்பது சகஜம். சர்வதேச வளர்ச்சி மற்றும் தேவையைப் பொறுத்து தங்கத்தின் விலை மாறுபடும். கடந்த மாத தொடக்கத்தில் இருந்தே தங்கம் விலையில் பெரும் மாற்றம் நிகழ்ந்து வருகிறது. நவம்பர் மாதத்தை ஒப்பிடும்போது, இந்த மாதம் தங்கம் விலை குறைந்துள்ளதாக கூறப்படுகிறது. தீபாவளி பண்டிகைக்கு பிறகு தங்கம் மற்றும் வெள்ளி விலை படிப்படியாக குறைந்து வருவதை நம்மால் பார்க்க முடிகிறது.

ஆனால், இந்த விகிதங்கள் கடந்த ஒரு வாரத்தில் கடுமையாக சரிந்துள்ளன. இதனால் நகைப்பிரியர்கள் மகிழ்ச்சியில் உள்ளனர். ஏனென்றால் இது திருமண சீசன் என்பது குறிப்பிடத்தக்கது. இந்த ஆண்டில் தங்கத்தின் விலை 30 சதவீதம் அதிகரித்துள்ளது என்றும், இது கடந்த 6 மாதங்களில் 15 சதவீதம் விலை அதிகரித்துள்ளது என்றும் கூறப்படுகிறது. ஆனால் கடந்த ஒரு மாதத்தில் கிட்டத்தட்ட 10 சதவீதம் தங்கம் விலை குறைந்துள்ளது.

Also Read:
குளிர்பானங்கள், சிகரெட், புகையிலைப் பொருட்களுக்கான GST வரி அதிகரிப்பு…! டிசம்பர் 21ல் முடிவு வெளியீடு…

இதன் விளைவாக, அடுத்த சில மாதங்களில் தங்கத்தின் விலை எவ்வாறு இருக்கும் என்ற கருத்துகள் வெளியிடப்பட்டு வருகின்றன. மத்திய வங்கியின் தங்கம் கொள்முதல் மற்றும் அமெரிக்காவில் வட்டி விகிதக் குறைப்பு போன்ற காரணங்களால் அடுத்த ஆண்டு தங்கத்தின் விலை மீண்டும் உச்சத்தைத் தொடும் என கோல்ட்மேன் சாக்ஸ் (Goldman Sachs) அறிக்கை தெரிவித்துள்ளது. ஆகையால், தங்கத்தில் முதலீடு செய்பவர்களுக்கு அல்லது தங்க நகைகள் வாங்க விரும்புவோருக்கு இதுவே சரியான நேரம் என்று நிபுணர்கள் கூறுகின்றனர். அடுத்த ஆண்டு இறுதிக்குள் தங்கத்தின் விலை ரூ.85 ஆயிரத்தை தாண்டும் என்றும் மதிப்பிடப்பட்டுள்ளது.

.