அச்சுறுத்தும் காலநிலை மாற்றம்… உருளைக்கிழங்கு விளைச்சலை பாதுகாக்க சீனா புதிய முயற்சி!

காலநிலை சவால்கள்:

இன்னர் மங்கோலியாவில் உள்ள விவசாயிகள் ஏற்கனவே காலநிலை மாற்றத்தின் தாக்கங்களைக் கண்டு வருகின்றனர். குறிப்பாக ஒழுங்கற்ற மழைப்பொழிவு அறுவடைகளை தாமதப்படுத்துவதோடு பயிர் நோய்களை அதிகரிக்கிறது. முக்கியமாக இந்த ஆண்டு கனமழையால் அறுவடை முயற்சிகள் கணிசமாகக் குறைந்துள்ளன. மேலும் சூடான மற்றும் ஈரப்பதமான சூழ்நிலையில் அதிகரிக்கும் நோய் தாக்குதல், பாரம்பரிய கட்டுப்பாட்டு நடவடிக்கைகளுக்கு மிகவும் எதிர்ப்புத் தெரிவிக்கிப்பதாக உருளைக்கிழங்கை உற்பத்தி செய்யும் தொழில் நிறுவனங்கள் கூறுகின்றன.

தீர்வுகளை உருவாக்குதல்:

இந்த சவால்களை எதிர்கொள்ள, சீன ஆராய்ச்சியாளர்கள் வெப்பத்தை தாங்கும் மற்றும் நோயை எதிர்க்கும் சக்தியுள்ள உருளைக்கிழங்கு வகைகளை உருவாக்க ஏரோபோனிக்ஸ் மற்றும் மரபணு ஆய்வுகள் போன்ற மேம்பட்ட நுட்பங்களைப் பயன்படுத்துகின்றனர். பெய்ஜிங்கின் யான்கிங்கில் உள்ள ஒரு ஆராய்ச்சி நிலையத்தில், தொழிலாளர்கள் கட்டுப்படுத்தப்பட்ட நிலைமைகளின் கீழ் உருளைக்கிழங்கு செடிகளைப் பரப்புவதாகக் கூறப்படுகிறது. மகசூல் இழப்பைக் குறைக்க அடுத்த பத்தாண்டுகளுக்குள் நடவுப் பருவங்களை மாற்றுவது மற்றும் அதிக உயரமான இடங்களில் பயிரிடுவது உள்ளிட்ட விவசாய நடைமுறைகளில் மாற்றங்கள் தேவைப்படலாம் என்று ஆயவாளர்கள் தெரிவித்தனர்.

உலகளவில் வெப்பநிலை தொடர்ந்து அதிகரித்து வருவதால், உடனடியாக நடவடிக்கைகள் எடுக்கவில்லை என்றால், விவசாயிகளின் வாழ்வாதாரம் மற்றும் உருளைக்கிழங்கு விலை இரண்டும் கடுமையாக பாதிக்கப்படலாம் என்று ஆராய்ச்சியாளர்கள் கூறுகின்றனர்.

.