மல்யுத்த வீரர் பஜ்ரங் புனியாவுக்கு தொடரும் தடை.. காரணம் இதுதான்!

டோக்கியோ ஒலிம்பிக்கில் இந்தியா சார்பில் வெண்கலப் பதக்கம் வென்ற மல்யுத்த வீரர் பஜ்ரங் புனியா, ஊக்கமருந்து தடுப்பு சோதனைக்காக தனது மாதிரியை வழங்க மறுத்ததால் அவருக்கு விதிக்கப்பட்ட 4 ஆண்டுகள் இடைநீக்கம் உறுதிசெய்யப்பட்டுள்ளது.

கடந்த மார்ச் 10ஆம் தேதி தேசிய ஊக்கமருந்து தடுப்பு நிறுவனம் நடத்திய ஊக்கமருந்து சோதனைக்கு தனது மாதிரியை வழங்க மறுத்ததற்காக அப்போதே பஜ்ரங் புனியா தற்காலிகமாக இடைநீக்கம் செய்யப்பட்டிருந்தார். இதற்கு எதிராக அவர், ஊக்க மருந்து தடுப்பு ஒழுங்குமுறை குழுவிடம் மேல்முறையீடு செய்த நிலையில், செப்டம்பர் 20 மற்றும் அக்டோபர் 4 ஆகிய தேதிகளில் விசாரணை நடைபெற்றது.

அதனைத்தொடர்ந்து குழு பிறப்பித்த உத்தரவில், ஊக்கமருந்து சோதனையை வேண்டுமென்றே தவிர்த்தது விதி மீறலாகக் கருதப்படுவதாக கூறி, பஜ்ரங் புனியாவுக்கு 4 ஆண்டுகள் தடை உறுதி செய்யப்படுவதாக தெரிவிக்கப்பட்டுள்ளது. தேசிய ஊக்க மருந்து எதிர்ப்பு நிறுவனத்தின் தடையை தொடர்ந்து, உலக மல்யுத்த நிர்வாகக் குழுவும் பஜ்ரங் புனியாவை இடைநீக்கம் செய்தது.

காலையில் வெறும் வயிற்றில் சப்ஜா தண்ணீர் குடிப்பதால் கிடைக்கும் 5 ஆரோக்கிய நன்மைகள்.!
மேலும் செய்திகள்…