கைத்தொழில் மற்றும் முயற்சியாண்மை அபிவிருத்தி அமைச்சின் கீழ் இயங்கும் தேசிய இரத்தினக்கல் மற்றும் ஆபரண அதிகாரசபையின் புதிய தலைவராக நவீன் சூரியாரச்சி நியமிக்கப்பட்டுள்ளார்.
கைத்தொழில் துறைகள், தொழில் முயற்சியாண்மை அபிவிருத்தி அமைச்சர் சுனில் ஹந்துன்நெத்தி அதற்கான நியமன கடிதத்தை வழங்கி வைத்தார்.
குறித்த அமைச்சுடன் இணைந்து, தற்போது செயற்படும் பல்வேறு வரி முறைமைகளை மீள்பரிசீலனை செய்வதன் மூலம் எதிர்வரும் ஆண்டில் இரத்தினக்கல் மற்றும் ஆபரணங்களின் ஏற்றுமதி வருமானத்தை அதிகரிப்பதற்கு எதிர்பார்ப்பதாகவும் நவீன் சூரியாரச்சி இதன்போது தெரிவித்தார்.
நவீன் சூரியாரச்சி , கொமர்ஷல் வங்கியின் பிரதிப் பொது முகாமையாளர் உட்பட பல உயர் பதவிகளை வகித்துள்ளதோடு, சனச அபிவிருத்தி வங்கியின் சபை உறுப்பினராகவும் பணியாற்றியுள்ளார் என்பது குறிப்பிடத்தக்கது.
The post தேசிய இரத்தினக்கல் மற்றும் ஆபரண அதிகாரசபைக்கு புதிய தலைவர் appeared first on Thinakaran.
