ஆஸ்திரேலியாவுக்கு எதிரான டெஸ்ட் தொடர்… இந்திய அணிக்கு சிக்கலை ஏற்படுத்தும் 5 விஷயங்கள்… – News18 தமிழ்

இந்திய கிரிக்கெட் அணியின் ஆஸ்திரேலியா சுற்றுப்பயணம் மீது அனைவரின் பார்வையும் உள்ளது. இந்திய அணி ஆஸ்திரேலியாவில் 5 போட்டிகள் கொண்ட டெஸ்ட் தொடரில் விளையாட உள்ளது. இந்த பார்டர் கவாஸ்கர் கோப்பையை இந்தியா வென்றால், உலக டெஸ்ட் சாம்பியன்ஷிப் இறுதிப் போட்டிக்கான போட்டியில் இந்தியா நீடிக்கும்.

கேப்டன் ரோகித் சர்மா மற்றும் நட்சத்திர பேட்ஸ்மேன் விராட் கோலியின் ஃபார்ம் கவலைக்குரிய விஷயமாகவே உள்ளது. இப்படிப்பட்ட சூழ்நிலையில் இந்தியாவுக்கு எதிராக ஆஸ்திரேலியா முன்னிலை பெற்றுள்ளது. இந்த தொடரில் பின்வரும் 5 விஷயங்கள் இந்தியாவுக்கு சிக்கலை ஏற்படுத்தலாம்.

ரோஹித் ஷர்மா மற்றும் விராட்டின் மோசமான பார்ம்

இந்திய அணியின் மிகப்பெரிய கவலையாக இருப்பது அணி கேப்டன் ரோஹித் சர்மா மற்றும் நட்சத்திர பேட்ஸ்மேன் விராட் கோலியின் ஃபார்ம். கடந்த சில இன்னிங்ஸ்களில் இருவரும் அதிக ரன்கள் எடுக்கவில்லை. கடந்த 10 இன்னிங்சில் ரோஹித் சர்மா ஒரு அரை சதம் உட்பட மொத்தம் 133 ரன்கள் எடுத்துள்ளார். விராட் கோலி ஒரு அரை சதத்துடன் 192 ரன்கள் எடுத்துள்ளார்.

முகமது ஷமி இல்லாதது:

2023 ஒருநாள் உலகக் கோப்பையின் போது காயம் காரணமாக ஓய்வில் இருந்த முகமது ஷமி, ஓராண்டுக்குப் பிறகு மீண்டும் களமிறங்கியுள்ளார். பெங்கால் அணிக்காக விளையாடிய அவர், ரஞ்சி கோப்பையின் முதல் போட்டியில் 7 விக்கெட்டுகளை வீழ்த்தினார். உடல் தகுதி இல்லாததால் அவருக்கு ஆஸ்திரேலியா சுற்றுப்பயணத்தில் இடம் கொடுக்கப்படவில்லை. முன்பு நடந்த பார்டர் – கவாஸ்கர் தொடரில் 11 போட்டிகளில் 40 விக்கெட்டுகளை வீழ்த்தியுள்ளார் முகமது ஷமி. ஆஸ்திரேலியாவில் மொத்தம் 8 டெஸ்ட் போட்டிகளில் விளையாடி 31 விக்கெட்டுகளை வீழ்த்தியுள்ளார்.

நியூசிலாந்திடம் அடைந்த படுதோல்வி

ஆஸ்திரேலியாவுக்கு எதிரான தொடரை விளையாடுவதற்கு முன்பு, நியூசிலாந்து இந்திய அணிக்கு சொந்த மண்ணில் பெரும் அடி கொடுத்தது. 3 போட்டிகள் கொண்ட தொடரை முழுமையாக வென்றது நியூசிலாந்து. பார்டர் கவாஸ்கர் டிராபிக்கு முன்னதாக சொந்த மண்ணில் இந்திய அணி இப்படி ஒரு தோல்வியை சந்தித்தது அணியின் நம்பிக்கையை உலுக்கியுள்ளது.

இதையும் படிங்க – இந்திய அணியில் இடம்பெறும் புதிய ஆல்ரவுண்டர்… அடுத்த ஹர்திக் பாண்ட்யா இவர்தானா?

உலக டெஸ்ட் சாம்பியன்ஷிப் இறுதிப் போட்டியின் அழுத்தம்:

நியூசிலாந்துக்கு எதிரான டெஸ்ட் தொடரில் ஏற்பட்ட தோல்வி, உலக டெஸ்ட் சாம்பியன்ஷிப் இறுதிப் போட்டிக்கான இந்தியாவின் பாதையை கடினமாக்கியது. 5 போட்டிகள் கொண்ட தொடரில் இந்திய அணி தனித்து இறுதிச் சுற்றுக்கு முன்னேற வேண்டுமானால் 4 போட்டிகளில் வெற்றி பெற்றாக வேண்டும். இந்த அழுத்தத்தை பயிற்சியாளர் கம்பீர், கேப்டன் ரோகித் சர்மா மறுத்தாலும், இறுதிப் போட்டிக்கு வருவதைப் பற்றி இந்தியா கவலைப்படும். அத்தகைய சூழ்நிலையில், இந்திய அணி வெற்றிபெற கடுமையாக உழைக்க வேண்டியிருக்கும். இதன் காரணமாக அழுத்தம் இருக்கும்.

பயிற்சி ஆட்டத்தில் விளையாடவில்லை

ஆஸ்திரேலிய அணிக்கு எதிரான 5 போட்டிகள் கொண்ட டெஸ்ட் தொடரை விளையாடுவதற்கு முன், இந்திய அணி பயிற்சி ஆட்டங்களில் விளையாடும். ஆனால் இந்த முறை அவ்வாறு நடக்கவில்லை. இந்த சுற்றுப்பயணத்தில், டீம் இந்தியா உள் அணிகளை உருவாக்கி தங்களுக்குள் போட்டிகளில் விளையாடி பயிற்சி செய்து வருகிறது. ஆஸ்திரேலிய அணிக்கு எதிராக இந்தியா எந்த பயிற்சி ஆட்டத்திலும் விளையாடவில்லை.

.