ஏலம் முதல் சம்பளம் வரை! 2025

ஐபிஎல் வரலாற்றில் முதல் முறையாக போட்டியில் விளையாடும் ஒவ்வொரு வீரருக்கும் தலா ₹7.5 லட்சம் போட்டி ஊதியமாக வழங்க உள்ளதாக ஐபிஎல் ஆட்சிமன்றக் குழு தெரிவித்துள்ளது.

இந்தியாவின் கிரிக்கெட் திருவிழா எனப்படும் 18ஆவது ஐபிஎல் போட்டிகள் அடுத்தாண்டு ஏப்ரல், மே மாதங்களில் நடைபெற இருக்கிறது. 10 அணிகள் பங்கேற்கும் இந்த தொடருக்கான வீரர்கள் ஏலம் வரும் நவம்பர் மாதத்தின் கடைசியில் நடத்த திட்டமிடப்பட்டுள்ளது.

இந்த நிலையில், பெங்களூருவில் நேற்று ஐபிஎல் ஆட்சிமன்றக் குழுக் கூட்டம் நடைபெற்றது. இந்தக் கூட்டத்தில் அணி உரிமையாளர்களுடன் ஐபிஎல் நிர்வாகிகள் நடத்திய ஆலோசனைக்குப் பிறகு, வரும் 2025 – 2027 ஐபிஎல் சீசனுக்கான விதிகள் முடிவெடுக்கப்பட்டு வெளியிடப்பட்டது.

இதையும் படிக்க:
மும்பை அணிக்கு எதிராக ஹாட்ரிக் விக்கெட்!.. இப்போ அதே அணியின் முக்கிய வீரர்.. யார் அவர் தெரியுமா?

இதுவரை இல்லாத வகையில், ஐபிஎல் போட்டியில் விளையாடும் ஒவ்வொரு வீரருக்கும் தலா ரூ.7.5 லட்சம், போட்டி ஊதியமாக வழங்க உள்ளதாக ஐபிஎல் ஆட்சிமன்றக் குழு தெரிவித்துள்ளது.

மேலும் ஒரு அணி அதிகபட்சமாக 6 வீரர்களைத் தக்கவைத்துக்கொள்ளலாம் என்றும், அது தக்கவைப்பு முறை அல்லது ஆர்.டி.எம் என எந்த முறை என்பதை அந்த நிர்வாகங்களே முடிவெடுக்கலாம் எனத் தெரிவிக்கப்பட்டுள்ளது.

அப்படித் தக்கவைக்கும்போது, சர்வதேச போட்டிகளில் விளையாடிய வீரர்கள் அதிகபட்சமாக 5 பேரையும், அன்கேப்டு (Uncapped) வீரர்கள் 2 பேரையும் தக்கவைத்துக்கொள்ளலாம் எனக் கூறப்பட்டுள்ளது.

இந்த பிரச்சனைகள் இருக்கவங்க இளநீர் குடிக்கவே கூடாது.. யார் யார் தெரியுமா.?
மேலும் செய்திகள்…