பிரதமர் மோடி செல்லும் விமானத்தில் தொழில்நுட்ப கோளாறு – News18 தமிழ்

விக்னேஷ்க்கு முறையான சிகிச்சைகள் அனைத்தும் கொடுக்கப்பட்டது என கிண்டி அரசு மருத்துவமனை நிர்வாகம் விளக்கம்.

தனியார் மருத்துவமனையில் சிகிச்சை தொடர முடியாத நிலையில், நோய் தீவிரத்துடன் விக்னேஷ் அரசு மருத்துவமனை கொண்டுவரப்பட்டார். அவரை அழைத்து வந்தபோது உள்நோயாளிகள் பிரிவில் மருத்துவர்கள் இருந்தனர். அவசர சிகிச்சைப் பிரிவில் செயற்கை சுவாச கருவியுடன் சிகிச்சை தரப்பட்ட நிலையில் மரணம் என மருத்துவமனை விளக்கமளித்துள்ளது.

என்எல்சி நிறுவனத்தின் முதல் அனல் மின் நிலையத்தை இடித்து அகற்றும் பணி தொடக்கம்.

1962ஆம் ஆண்டு தொடங்கப்பட்ட முதல் அனல் மின் நிலையத்தில் 2020ஆம் ஆண்டோடு உற்பத்தி நிறுத்தப்பட்டது குறிப்பிடத்தக்கது.

சென்னை கண்ணகி நகரைச் சேர்ந்த தாயிடம் இருந்து கடத்தப்பட்ட 45 நாள் குழந்தை திருவேற்காடு அருகே மீட்கப்பட்டுள்ளது.

அரசுத்திட்டங்கள் வாங்கித்தருவதாக கூறி குழந்தையுடன் தாய் நிஷாந்தியை தியாகராய நகருக்கு அழைத்து வந்து, நிஷாந்தியை கடைக்கு அனுப்பிவிட்டு குழந்தையை கடத்தியுள்ளனர். கடத்திய பெண்ணை தற்போது போலீசார் தேடு வருகிறார்கள்.

கோவை, துடியலூரில் தொழிலதிபர் லாட்டரி மார்ட்டின் இல்லம், அலுவலகத்தில் 2வது நாளாக சோதனை நடந்து வருகிறது.

மார்ட்டினின் ஹோமியோபதி மருத்துவ கல்லூரியில் 2வது நாளாக அமலாக்கத்துறை சோதனை நடத்தி வருகிறது. மத்திய தொழில் பாதுகாப்பு படை மற்றும் மத்திய ரிசர்வ் போலீசார் பாதுகாப்புடன் சோதனை.

இலங்கை நாடாளுமன்றத் தேர்தலில் அதிபர் அனுரகுமாரவின் தேசிய மக்கள் சக்தி கட்சி 70% வாக்குகளைப் பெற்று முன்னிலை பெற்றுள்ளது.

தற்போதுவரை 47 தொகுதிகளில் இதுவரை தேசிய மக்கள் சக்தி கூட்டணி 35 இடங்களில் முன்னிலையும், சஜித் பிரேமதாஸாவின் ஐக்கிய மக்கள் சக்தி கட்சி 8 இடங்களில் முன்னிலை பெற்றுள்ளது. இலங்கை பொதுஜன பெரமுனா 2 இடங்கள் மட்டுமே முன்னிலை பெற்றுள்ளது.

225 இடங்களை கொண்ட இலங்கை நாடாளுமன்றத்தில் பெரும்பான்மைக்கு 113 இடங்கள் தேவை என்பது குறிப்பிடத்தக்கது.

சென்னை திருவள்ளூர் செங்கல்பட்டு காஞ்சிபுரம், விழுப்புரம் கடலூர் மயிலாடுதுறை நாகப்பட்டினம் தஞ்சாவூர் திருவாரூர் திருநெல்வேலி கன்னியாகுமரி ஆகிய 12 மாவட்டங்களிலும் புதுச்சேரி காரைக்கால் ஆகிய பகுதிகளில் அடுத்த மூன்று மணி நேரத்திற்கு இடி மின்னலுடன் கூடிய மிதமான மழை பெய்ய வாய்ப்பு.

ராணிப்பேட்டை கள்ளக்குறிச்சி அரியலூர் திருச்சி தென்காசி சிவகங்கை புதுக்கோட்டை ராமநாதபுரம் தூத்துக்குடி ஆகிய 9 மாவட்டங்களில் அடுத்த மூன்று மணி நேரத்திற்கு இடி மின்னலுடன் கூடிய லேசான முதல் மிதமான மழை பெய்ய வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.