பட்டைய கிளப்பிய சஞ்சு சாம்சன்… 61 ரன்கள் வித்தியாசத்தில் தென்னாப்பிரிக்காவை வீழ்த்திய இந்திய அணி

தென்னாப்பிரிக்காவுக்கு எதிரான முதல் டி 20 கிரிக்கெட் போட்டியில் இந்திய அணி 61 ரன்கள் வித்தியாசத்தில் அசத்தல் வெற்றி பெற்றது.

4 போட்டிகள் கொண்ட டி20 தொடரில் விளையாடுவதற்காக சூர்யகுமார் யாதவ் தலைமையிலான இளம் இந்திய அணி, தென்னாப்பிரிக்காவிற்கு சுற்றுப்பயணம் சென்றுள்ளது. நேற்று டர்பன் நகரில் நடந்த முதல் டி20 போட்டியில் டாஸ் வென்ற தென்னாப்பிரிக்கா அணி முதலில் பந்துவீசியது.

தொடக்க வீரராக களமிறங்கிய இந்திய அணி வீரர் சஞ்சு சாம்சன், ருத்ரதாண்டவம் ஆடி சதம் விளாசினார். 7 பவுண்டரிகள், 10 சிக்சர்களை பறக்கவிட்ட சஞ்சு சாம்சன், 50 பந்துகளில் 107 ரன்களை குவித்தார். மேலும் திலக் வர்மா 33 ரன்கள், கேப்டன் சூர்யகுமார் யாதவ் 21 ரன்கள் என விளாசியதால் இந்திய அணி 20 ஓவர்கள் முடிவில் 8 விக்கெட்டுகள் இழப்புக்கு 202 ரன்கள் சேர்த்தது.

இதையும் படிக்க:
“எதற்கும் ஒரு எல்லை இருக்க வேண்டும்…” – சென்னை சூப்பர் கிங்ஸ் அணியை சாடிய ராபின் உத்தப்பா

203 ரன்கள் இலக்கை விரட்டிப்பிடிக்க முற்பட்ட தென்னாப்பிரிக்கா அணி முதலில் அடித்து ஆடினாலும், பின்னர் அடுத்தடுத்து விக்கெட்டுகளை பறிகொடுத்தது. தென்னாப்பிரிக்கா அணியில் அதிகபட்சமாக க்ளாசன் 25 ரன்களும், ஜெரால்ட் கோட்ஸி 23 ரன்களும் எடுத்தனர். மற்ற வீரர்கள் யாரும் சோபிக்காததால், 17.5 ஓவர்களில் தென்னாப்பிரிக்கா அணி வெறும் 141 ரன்களில் ஆட்டமிழந்து தோல்வியடைந்தது.

நடிகர் சித்தார்த்தின் கல்வித் தகுதி என்ன தெரியுமா.?
மேலும் செய்திகள்…