பினாங்கில் ஒரு இளைஞர் இறந்ததைத் தொடர்ந்து அனைத்து விரைவுப் பேருந்துகளிலும் மின்னூக்கிகளைப் பயன்படுத்துவதற்கு நிலப் பொதுப் போக்குவரத்து நிறுவனம் (அபாட்) தற்காலிகமாகத் தடை விதித்துள்ளது.
சிறப்பு அதிரடிப்படை தலைமையிலான விசாரணை முடியும் வரை தடை அமலில் இருக்கும் என்று போக்குவரத்து அமைச்சர் லோக் சியூ புக் தெரிவித்தார்.
மக்களவையில் இன்று அமைச்சரின் கேள்வி நேரத்தின் போது, “மின்னூகிகள் பொருத்தப்பட்ட விரைவுப் பேருந்துகள் தற்காலிகமாக அவற்றைப் பயன்படுத்த அனுமதிக்கப்படவில்லை” என்றார்.
“சம்பவத்திற்கான சரியான காரணத்தை நாங்கள் முதலில் தீர்மானிக்க வேண்டும்.”
சம்பவத்தைத் தொடர்ந்து அமைச்சகம் எடுத்த நடவடிக்கைகள் குறித்து நஸ்ரி அபு ஹாசன்(பிஎன்-மெர்போக்) கேட்ட கேள்விக்கு அவர் பதிலளித்தார்.
ஞாயிற்றுக்கிழமை, லோக் தனது அமைச்சகம் ஒரு சிறப்பு பணிக்குழுவை அமைத்துள்ளதாகவும், கேள்விக்குரிய பேருந்தின் இயக்கத்தை உடனடியாக நிறுத்தியதாகவும் கூறினார்.
பணிக்குழு மூன்று ஆணயங்களின் அதிகாரிகளைக் கொண்டுள்ளது – நிலப் பொதுப் போக்குவரத்து நிறுவனம், சாலைப் போக்குவரத்துத் துறை (JPJ) மற்றும் மலேசிய சாலை பாதுகாப்பு ஆராய்ச்சி நிறுவனம் (MIROS).
தற்போது குறிப்பிட்ட விதிமுறைகள் எதுவும் இல்லாததால், விரைவு பேருந்துகளில் பேட்டரிகளைப் பயன்படுத்துவதற்கான நிலையான இயக்க நடைமுறைகளை போக்குவரத்து அமைச்சகம் மறுஆய்வு செய்யும் என்றும் லோக் இன்று கூறினார்.
விமானங்கள் அல்லது ரயில்கள் போலல்லாமல், அது மின் இணைப்புகளுக்கு நிறுவப்பட்ட தரநிலைகளை பூர்த்தி செய்ய வேண்டும் என்று அவர் கூறினார்.
“இதன் விளைவாக, இந்த மின்சார அதிர்ச்சி வழக்கில் எங்கள் விசாரணையின் போது, புஸ்பகாம் மற்றும் பிற புலனாய்வாளர்கள் நடத்திய ஆய்வின் ஒரு பகுதியாக மின்னூகிககள் சேர்க்கப்படவில்லை,” என்று அவர் கூறினார்.
பயணிகளுக்கு சிறந்த பாதுகாப்பை உறுதி செய்வதற்காக பேருந்துகளில் உள்ள பேட்டரிகளுக்கு குறிப்பிட்ட பாதுகாப்பு தரங்களை நிறுவுவதற்கு எரிசக்தி ஆணையத்துடன் அமைச்சகம் ஒத்துழைத்து வருவதாக லோகே கூறினார்.
-fmt
