சென்னை: தங்கம் விலை பவுனுக்கு ரூ.120 குறைந்து ரூ.58,840-க்கு விற்பனையாகிறது.
சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலையில் அவ்வப்போது மாற்றம் ஏற்பட்டு உயர்ந்தும், குறைந்தும் விற்பனையாகி வருகிறது. தீபாவளி பண்டிகைக்கு முன்பாக தங்கம் விலை தொடர்ந்து அதிகரித்து வந்தது. ஒரு பவுன் 59 ஆயிரத்தை கடந்து விற்கப்பட்டது. தீபாவளிக்கு பிறகு தங்கம் விலை குறையத் தொடங்கியுள்ளது.
இந்நிலையில், நேற்று தங்கம் கிராம் ஒன்றுக்கு ரூ.15 குறைந்து ரூ.7,355-க்கும், பவுனுக்கு ரூ.120 குறைந்து ரூ.58,840-க்கும் விற்பனையானது. இதேபோல், 24 காரட் சுத்த தங்கத்தின் விலை பவுன் ரூ.62,880 ஆக இருந்தது. ஒரு கிராம் வெள்ளி ரூ.105-க்கு விற்பனையானது. ஒரு கிலோ பார் வெள்ளியின் விலை நேற்று ரூ.1,05,000 ஆக இருந்தது.
