நாகப்பாம்புகளுக்கு வீட்டில் அறை ஒதுக்கி வாழும் வினோதம்! எங்கு தெரியுமா?

இந்த வினோத பாரம்பரியத்தின் பின்னணியில் உள்ள காரணம்?

பாம்புகளின் கிராமம் என்று குறிப்பிடப்படும் ஷெட்பால் கிராமத்தில் ஒவ்வொரு வீட்டிலும் பாம்புகள் இருக்கும். இந்த பாம்புகள் அங்கிருக்கும் வீடுகளில் மட்டுமல்ல, வயல்களிலும், மரங்களிலும் மற்றும் கிராம மக்களின் படுக்கையறைகளிலும் கூட சகஜமாக காணப்படுகின்றன. இப்படி எங்கெங்கு காணினும் பாம்புகள் இருக்கும் நிலையில், கிராம மக்கள் இந்த பாம்புகளுக்கு சிறிதும் பயப்படுவதில்லை, மாறாக அவற்றுடன் விளையாடுகிறார்கள், பால் கூட ஊட்டுகிறார்கள்.

ஷெட்பால் கிராம மக்கள் பாம்புகளை வழிபடுவது மட்டுமின்றி, அவற்றுக்காக தங்கள் வீடுகளில் அதற்கென பிரத்யேக அறையையும் கூட உருவாக்கி வைத்துள்ளனர். ஷெட்பால் கிராம மக்களின் குடும்ப உறுப்பினராகவே பாம்புகள் காணப்படுகின்றன. மேலும், அவை வீடுகளில் சுதந்திரமாக உலாவ அனுமதிக்கப்படுகின்றன. குழந்தைகள் கூட பாம்புகளை கண்டு அஞ்சாமல் விளையாடுகிறர்கள். ஷெட்பால் கிராம மக்கள் பாம்புகள் சிவனின் அடையாளம் என்று நம்புகிறார்கள். எனவே தான் இவர்கள் பாம்புகளை வணங்குகிறார்கள் மற்றும் அவற்றை தங்கள் குடும்ப உறுப்பினர்களில் ஒருவராகவே கருதுகிறார்கள். பாம்புகளை கடவுளாக வழிபடும் பல கோவில்களும் இந்த கிராமத்தில் உள்ளன.

இதையும் படியுங்கள் :
தனது கூட்டில் 100 முட்டைகளுக்கு மேல் இடும் பறவை எது தெரியுமா? – பலருக்கும் தெரியாத தகவல்

இந்த கிராமத்தின் ஒவ்வொரு வீட்டிலும் “தேவஸ்தானம்” என்று அழைக்கப்படும் நாகப்பாம்புகளுக்காக ஒதுக்கப்பட்ட ஒரு சிறப்பு பகுதி உள்ளது. “தேவஸ்தானம்” என்பது சமஸ்கிருத வார்த்தையாகும். இது இரண்டு வார்த்தைகளால் ஆனது – தேவ மற்றும் ஸ்தானம், அதாவது இதற்கு அர்த்தம் கடவுளுக்கான இடம் என்பதாகும். அதே போல இந்த கிராமத்தில் புதிதாக வீடு கட்டும் போதெல்லாம் அதில் நாகப்பாம்புகளுக்கு இடம் ஒதுக்க மக்கள் மறக்க மாட்டார்கள் என்பதும் சுவாரஸ்யமான விஷயமாகும். பாம்புகளும் மனிதர்களை போன்ற ஒரு உயிரினம் தான், அவை அன்பையும் மரியாதையையும் மாமிடம் இருந்து பெற விரும்புகின்றன என்கிறார்கள் ஷெட்பால் கிராம மக்கள்.

.