Apple: ‘டெக்னாலஜி காட்டாற்றில் அசராத ஆலமரம்’ – Steve Jobs சந்தித்த சோதனைகளும், சாதனைகளும்! | Apple Steve Job’s Success Story

புதுமைகளை உருவாக்குவதை விட ஜாப்ஸின் சாயலுடன் வெளிவந்த தயாரிப்புகளை மேலும் மேலும் சீர் செய்து மார்கெட்டின் உச்சத்தில் வைத்திருப்பதிலேயே கவனம் செலுத்தினார். ஆப்பிள் தயாரிப்புகள் மினிமலாக, சிம்பிளாக இருப்பதில் உறுதியாக இருந்தார். தங்களால் மிகச் சிறப்பாக வழங்க முடியாத தயாரிப்புகளை வெளியிடாமல் இருப்பது ஆப்பிளின் பாலிசி!

ஆப்பிளின் இன்றைய சந்தை மதிப்பு

அப்படியிருந்தும் குறைந்தபட்சம் தங்கள் போட்டியாளர்களை விட 2 ஆண்டுகள் முன்னதாகக் கண்டுபிடிப்புகளை மேற்கொள்ளும் நிறுவனமாகத் திகழ்கிறது ஆப்பிள். ஸ்டீவ் ஜாப்ஸ் மறைந்த ஆண்டு ஆப்பிளின் சந்தை மதிப்பு 348 பில்லியன் டாலராக இருந்தது. இன்றைய சந்தை மதிப்பு 3.36 ட்ரில்லியன் டாலர்கள்! இந்த உச்சத்தை எட்டச் செய்தவர் டிம் குக்.

2014ம் ஆண்டு தான் ஒரு ஓரினச் சேர்க்கையாளர் என்பதைப் பெருமையுடன் அறிவித்தார் டிம். அதற்காக எந்த மோசமான எதிர்வினையும் எழாதபடி பார்த்துக்கொண்டார். எல்.ஜி.பி.டி,க்யூ சமூகத்தின் அளப்பரிய ஆதரவையும் பெற்றார்.

ஆப்பிள் நிறுவனம் தன்னை எப்போதும் ஒரு பிரிமியர் பிராண்டாக நிலைநிறுத்திக்கொள்வதும், எத்தகைய சரிவிலும் பிடிவாதமாகத் தன்னிலை மாறாமல் இருப்பதுமே அதன் வளர்ச்சிக்கு அச்சாணி, இன்றைய உலகில் அந்த நிறுவனத்தின் தயாரிப்புகள் ஒவ்வொன்றும் தொழில்நுட்ப புரட்சிக்கான விதைகள்!