கள்ளநோட்டுகளை தவிர்க்க புதிய பாலிமர் பிளாஸ்டிக் ரூபாய் நோட்டுகளை வெளியிட பாகிஸ்தான் திட்டம்

மேம்பட்ட பாதுகாப்பு அம்சங்களுடன் மறுவடிவமைப்பு

ஹாலோகிராம் உள்ளிட்ட மேம்பட்ட பாதுகாப்பு அம்சங்களுடன் புதிய பாலிமர் பிளாஸ்டிக் நோட்டுகள் மறுவடிவமைப்பு செய்யப்படும் என ஜமீல் அகமது செனட் குழுவிடம் தெரிவித்துள்ளதாக தகவல் வெளியாகியுள்ளது. மேலும், புதிய நோட்டுகள் ரூ.10, ரூ.50, ரூ.100, ரூ.500, ரூ.1,000 மற்றும் ரூ.5,000 ஆகிய மதிப்புகளில் வெளியிடப்படும்.

பழைய நோட்டுகள் ஐந்து ஆண்டுகளுக்கு புழக்கத்தில் இருக்கும். இந்த காலகட்டத்தில் மத்திய வங்கி அவற்றை சந்தையில் இருந்து படிப்படியாக அகற்றிவிடும். முதலில் ஏதேனும் ஒரு மதிப்பு கொண்ட ரூபாய் நோட்டுக்கள் சந்தையில் விடப்படும்.

பாலிமர் பிளாஸ்டிக் ரூபாய் நோட்டுகளை பயன்படுத்தும் நாடுகள்

தற்போது பாலிமர் பிளாஸ்டிக் ரூபாய் நோட்டுகளை 40 நாடுகள் பயன்படுத்தி வருகிறது. 1998ஆம் ஆண்டில், முதன்முதலில் ஆஸ்திரேலியாதான் பாலிமர் பிளாஸ்டிக் நோட்டுகளை அறிமுகப்படுத்தியது. இந்த நோட்டுகள் நீடித்த தன்மை கொண்டதாகவும், கள்ளநோட்டு புழக்கத்தையும் தடுக்கிறது.

ஸ்டேட் பாங்க் ஆப் பாகிஸ்தான் தற்போது இந்த பாலிமர் நோட்டுகளை பரிசோதித்து வருகிறது. மேலும் பொதுமக்களிடம் இதற்கு நல்ல வரவேற்பு கிடைத்தால், அனைத்து நோட்டுகளும் பாலிமர் பிளாஸ்டிக் ரூபாய் நோட்டுகளாக தயாரிக்கப்படும்.

ரூ.5,000 நோட்டு சர்ச்சை

இதற்கிடையே, பாகிஸ்தானில் ரூ.5,000 நோட்டு வெளியிடுவதற்கு ஒருபுறம் எதிர்ப்பு கிளம்பியுள்ளது. ஏனென்றால் இந்த உயர் மதிப்பு நோட்டு ஊழலை எளிதாக்குவதாக குற்றச்சாட்டுகள் முன்வைக்கப்படுகின்றன. இந்நிலையில், ரூ.5,000 நோட்டு தொடர்ந்து புழக்கத்தில் இருக்கும் என்று ஆளுநர் ஜமீல் அகமது உறுதிப்படுத்தி உள்ளார்.

.