வருமான வரி ரிட்டர்ன் (ITR) தாக்கல் பண்ணிட்டீங்களா?

ஐடிஆர் (ITR) எனப்படும் வருமான வரி ரிட்டர்ன் தாக்கல் செய்வதற்கான காலக்கெடு ஜூலை 31 என ஏற்கனவே அறிவிக்கப்பட்டிருந்தது. 2023 – 24 ஆம் ஆண்டில் மட்டும் 7.28 கோடிக்கும் அதிகமான எண்ணிக்கையில் வருமான வரி தாக்கல் செய்யப்பட்டுள்ளது. சென்ற 202 – 23 நீதி ஆண்டுடன் ஒப்பிடுகையில் இது 7.5% உயர்வாகும். கடந்த நிதி ஆண்டில் 6.7 கோடி என்ற எண்ணிக்கையில் வருமான வரி ரிட்டர்ன் தாக்கல் செய்யப்பட்டுள்ளதாக என நிதி அமைச்சகத்தின் சார்பில் தெரிவிக்கப்பட்டுள்ளது.

உறுதி செய்யப்படாத அல்லது சரி செய் சரி பார்க்கப்படாத (Unverified) வருமான வரி ரிட்டர்ன்களை, தாக்கல் செய்த 30 தினங்களுக்குள் சரி பார்க்கும்படி (Verify) வரி செலுத்துபவர்களுக்கு அரசாங்கம் உத்தரவு பிறப்பித்துள்ளது. மேலும் காலக்கெடு முடிந்த பிறகும் வருமான வரி ரிட்டர்ன் தாக்கல் செய்யாதவர்கள் விரைவாக அதனை செய்த முடிக்குமாறு கேட்டுக் கொண்டுள்ளது. வருமான வரி ரிட்டர்ன் ஃபைல் செய்யும் போது கீழே குறிப்பிடப்படும் மூன்று விஷயங்களை கவனத்தில் கொள்ளவும்.

யாரெல்லாம் தகுதியானவர்கள்?

வருமான வரி ரிட்டர்ன் – ஆனது, தாக்கல் செய்த அனைவருக்கும் ஒரே நேரத்தில் திரும்ப அளிக்கப்படுவதில்லை. முதலில் உங்களது வருமான வரி ரிட்டர்ன் எலக்ட்ரானிக் முறையில் சரி பார்க்கப்பட்ட பின்னர், அதிலிருந்து மூன்றிலிருந்து ஐந்து வாரங்கள் வரை நேரம் எடுக்கலாம். சில நேரங்களில் இதைவிட கூடுதலாகவோ அல்லது குறைவாகவோ நேரம் ஆகலாம். நீங்கள் தாக்கல் செய்த அன்றைய தினத்திலிருந்து பணம் திரும்ப பெறுவதற்கான காலமானது கணக்கீடு செய்யப்படும்.

இதையும் படிங்க : நாளை (ஆகஸ்ட் 17) வங்கிகளுக்கு விடுமுறையா? முழு விவரம்!

“உண்மையாக செலுத்த வேண்டிய வருமான வரியை விட கூடுதலான அளவு வருமான வரி செலுத்திய ஒருவர் வருமான வரி தாக்கல் செய்ய தகுதி உடைய நபராவார். டிடிஸ்(TDS)மற்றும் டிசிஎஸ்(TCS) போன்ற பல்வேறு முறைகளில் குடிமக்களிடமிருந்து வருமான வரி பெறப்படுகிறது. இவ்வாறு செலுத்தப்பட்டுள்ள கூடுதல் வரித்தொகை வருமான வரி ரிட்டர்ன் தாக்கல் செய்யப்படும் பட்சத்தில் அவை சரி பார்க்கப்பட்டு நேரடியாக வருமான வரி செலுத்துபவரின் வங்கி கணக்கில் செலுத்தப்படும்.

வருமான வரி ரிட்டர்ன் தாக்கல் செய்வது எப்படி?

வருமான வரி ரிட்டர்ன் தாக்கல் செய்யும் கடைசி தேதியான ஜூலை 31 – ஐ நீங்கள் தவற விட்டுவிட்டால் அதைப் பற்றி பெரிதாக கவலை கொள்ள தேவை இல்லை. அந்த நிதியாண்டிற்கான வருமான வரியை பொதுவாக ஆறு மதிப்பீட்டு ஆண்டுகளுக்குள் (AssesmentYear) நீங்கள் தாக்கல் செய்து கொள்ளலாம் என்று வட்டறிக்கை எண் 9/2015 இல் தெரிவிக்கப்பட்டுள்ளது. இதற்கு நீங்கள் குறிப்பிட்ட சில விதிமுறைகளை பூர்த்தி செய்திருக்க வேண்டும் என்பது குறிப்பிடத்தக்கது.

லோன் வாங்க போறீங்களா? இந்த தகவல்களை கண்டிப்பாக தெரிந்துகொள்ளுங்கள்..
மேலும் செய்திகள்…