வங்கதேச அரசின் புதிய தலைவர்.. யார் இந்த முகமது யூனுஸ்? கடந்து வந்த பாதை என்ன?

2006ஆம் ஆண்டு யூனுஸ் மற்றும் கிராமீன் பேங்க்-கிற்கு நோபல் பரிசு வழங்கப்பட்டது. இவரது கிராமீன் டெலிகாம் நிறுவனத்தின் பங்களிப்பு காரணமாக 1997 முதல் 2007ஆம் ஆண்டிற்குள் 50 ஆயிரம் கிராமங்களில் 2 லட்சத்து 60 ஆயிரம் பேரின் கைகளில் செல்போனை கொண்டு சேர்த்தார்.

அதேநேரம், தனது தொலைத்தொடர்பு நிறுவனத்தில் 18 கோடி ரூபாயை கையாடல் செய்த புகாரில் இவர் குற்றவாளி என நீதிமன்றம் தீர்ப்பளித்தது. தொழிலாளர் சட்டத்தை மீறியதாக கடந்த ஜனவரியில் முகமது யூனுஸ்க்கு 6 மாத சிறை தண்டனை விதிக்கப்பட்டது. ஆனாலும், ஜாமினில் உள்ளதால் தற்போது அவர் சிறையில் இல்லை. இவர் மீது நூற்றுக்கும் மேற்பட்ட வழக்குகள் நிலுவையில் உள்ளன. அனைத்துமே அரசியல் பழிவாங்கும் நோக்கில் புனையப்பட்ட வழக்குகள் என்பது முகமது யூனுஸின் வாதம்.

வங்கதேச முன்னாள் பிரதமர் ஷேக் ஹசீனாவின் எதிரியாக கருதப்பட்டவர் முகமது யூனுஸ். அதிகமான வட்டி வசூலித்து ஏழைகளின் ரத்தத்தை உறிஞ்சியவர் என்று இவரை ஷேக் ஹசினா விமர்சித்துள்ளார். 2013இல் ஷேக் ஹசீனா பிரதமராக இருந்தபோதுதான், நோபல் பரிசு பணத்தை அரசிடம் அனுமதி இன்றி முகமது யூனுஸ் பெற்றதாக வழக்கு பதியப்பட்டது.

2007இல் நாகரிக் சக்தி என்ற பெயரில் கட்சி ஒன்றைத் தொடங்க திட்டமிட்ட யூனுஸ், ஹசீனாவின் எதிர்ப்பால், அதனை கைவிட்டார்.

சர்வதேச அளவில் பொருளாதார, வங்கி சார்ந்த பல உயரிய பதவிகளை முகமது யூனுஸ் அலங்கரித்துள்ளார். பாரீசில் நடைபெற்று வரும ஒலிம்பிக் போட்டிகளின் ஆலோசகராகவும், தூதராகவும் செயல்பட்டு வருகிறார் முகமது யூனுஸ்.

.