தவறினால் அபராதம்… நீங்கள் தெரிந்து கொள்ள வேண்டியவை!!! – News18 தமிழ்

ஒருவேளை 30 நாட்களுக்குள்ளாக நீங்கள் ITR வெரிஃபை செய்யாவிட்டால் என்ன ஆகும்?

• ITR தகவலை எலெக்ட்ரானிக் முறைப்படி வழங்கி அதனை இ-வெரிஃபை செய்தாலோ அல்லது எலெக்ட்ரானிக் தகவல் பரிமாற்றம் செய்த 30 நாட்களுக்குள்ளாக ITR-V சமர்ப்பித்தால் மட்டுமே நீங்கள் எலெக்ட்ரானிக் தகவல் பரிமாற்றம் செய்த தேதி உங்களுடைய இன்கம் டேக்ஸ் ரிட்டன் தாக்கல் செய்யப்பட்ட தேதியாக கருதப்படும்.

• ஒருவேளை ITR தகவலை எலெக்ட்ரானிக் முறைப்படி பரிமாற்றம் செய்து, ஆனால் 30 நாட்களுக்கு பிறகு அதனை நீங்கள் இ-வெரிஃபை செய்தால் நீங்கள் இ-வெரிஃபை செய்த தேதியே உங்களுடைய வருமான வரி தாக்கல் செய்யப்பட்ட தேதியாக கருதப்படும். அதுமட்டுமல்லாமல் வருமான வரி சட்டத்தின்படி, தாமதமாக ITR தாக்கல் செய்ததற்கான அபராதத்தை செலுத்த வேண்டும். மேலும் நீங்கள் இ-வெரிஃபை செய்ய தவறினால் நீங்கள் வருமான வரி தாக்கல் செய்தது கட்டாயமாக செல்லுபடி ஆகாது.

• ஒருவேளை உங்களுடைய ITR தாக்கல் செய்வதற்கான கடைசி தேதி ஜூலை 31, 2024 ஐ தவறிவிட்டால், அதனை டிசம்பர் 31, 2024 -க்குள் செய்யலாம். எனினும் தாமதமாக தாக்கல் செய்வதற்கான அபராதங்களை நீங்கள் செலுத்த வேண்டும்.

• ஜூலை 31, 2024 க்கு பிறகு டிசம்பர் 31, 2024க்குள் நீங்கள் ITR தாக்கல் செய்யும்பொழுது அதிகபட்சமாக 5000 ரூபாய் வரையிலான அபராதம் விதிக்கப்படும்.

• உங்களுடைய வருமானம் 5 லட்ச ரூபாய்க்கும் குறைவாக இருந்தால் உங்களுக்கான அதிகபட்ச அபராதம் 1000 ரூபாயாக வசூலிக்கப்படும். மேலும் உங்களுடைய மொத்த வருமானம் அடிப்படை விலக்க வரம்புக்கு கீழ் இருக்கும் பட்சத்தில் உங்களுக்கு எந்த அபராதமும் விதிக்கப்படாது.

Also read |
மூத்த குடிமக்களுக்கான FD திட்டம்… எந்தெந்த வங்கிகள் எவ்வளவு வட்டி தருகின்றன? முழு விவரம்!

டிசம்பர் 31, 2024 என்ற தேதியையும் தவறவிட்ட நபர்கள் அடுத்த நிதியாண்டின் மார்ச் 31, 2025 -க்குள் வருமான வரியை தாக்கல் செய்யலாம். ஆனால் இந்த சூழ்நிலையில் நீங்கள் அதிகப்படியான அபராதத்தை செலுத்த வேண்டும். எனினும் நீங்கள் கடைசி தேதியை தவறவிட்டால் அதனை திருத்தி கொள்வதற்கு மேலும் ஒரு வாய்ப்பை பெறுவீர்கள். இதுபோன்ற சூழ்நிலையில் உங்களால் எதனால் நேரத்திற்கு இ-வெரிஃபை செய்ய முடியாமல் போனது என்பதற்கான தகுந்த காரணத்தை வருமானவரித்துறையினரிடம் கோரிக்கை மூலமாக சமர்ப்பிக்க வேண்டும். அந்த காரணம் சரியாக இருக்கும் பட்சத்தில் வருமானவரித்துறை அதனை ஏற்றுக்கொண்டு உங்களை இ-வெரிஃபை செய்வதற்கு அனுமதிக்கும்.

.