விராட் கோலியை சந்தித்த பஞ்சாப் அணி வீரர்களின் குடும்பத்தினர்… லைக்ஸை குவிக்கும் வீடியோ…

ஐபிஎல் கிரிக்கெட் தொடரில் நேற்று நடைபெற்ற பஞ்சாப் மற்றும் பெங்களூரு அணிகளுக்கு இடையிலான போட்டிக்கு பின்னர் விராட் கோலியை பஞ்சாப் அணி வீரர்களின் குடும்பத்தினர் சந்தித்து பேசினர். இது தொடர்பான வீடியோ ஒன்று சமூக வலைதளங்களில் லைக்ஸ்களை குவித்து வருகிறது.

ஐபிஎல் கிரிக்கெட் தொடரில் ராயல் சேலஞ்சர்ஸ் பெங்களூரூ மற்றும் பஞ்சாப் கிங்ஸ் அணிகள் நேற்று இமாச்சல பிரதேசம் தரம்சாலா மைதானத்தில் விளையாடின. இதில் முதலில் பேட்டிங் செய்த பெங்களூரூ அணி 20 ஓவர்கள் முடிவில் 7 விக்கெட் இழப்புக்கு 241 ரன்கள் குவித்தது. அதிகபட்சமாக விராட் கோலி 47 பந்துகளில் 6 சிக்ஸர் 7 பவுண்டரியுடன் 92 ரன்கள் எடுத்தார். 8 ரன்களில் அவர் சதத்தை தவறவிட்டது ரசிகர்கள் மத்தியில் சோகத்தை ஏற்படுத்தியது.

இதன் பின்னர் 242 ரன்கள் என்ற இமாலய இலக்கை நோக்கி விளையாடிய பஞ்சாப் அணியால் 17 ஓவர்களில் அனைத்து விக்கெட்டுகளையும் இழந்து 181 ரன்கள் மட்டுமே எடுக்க முடிந்தது. இந்த வெற்றியின் மூலமாக பெங்களூரு அணி பிளே ஆப் சுற்றிற்கான வாய்ப்பை தக்க வைத்து கொண்டுள்ளது.

அந்த அணி மீதமுள்ள 2 போட்டிகளில் கட்டாயம் வெற்றி பெற வேண்டும். அத்துடன் மற்ற அணிகளின் வெற்றி தோல்வியை பொறுத்து பெங்களூர் அணி பிளே ஆப் சுற்றுக்கு செல்ல வாய்ப்பு உள்ளது.

இந்நிலையில் போட்டி முடிந்த பின்னர் பெங்களூர் அணியின் நட்சத்திர ஆட்டக்காரர் விராட் கோலியை பஞ்சாப் கிங்ஸ் அணி வீரர்களின் குடும்பத்தினர் சந்தித்து தங்களது மகிழ்ச்சியை பரிமாறிக் கொண்டனர்.

Virat Kohli is an emotion ❤️

– The Punjab Kings family members meeting the King, A lovely video. pic.twitter.com/IzBAOGgro8

— Johns. (@CricCrazyJohns) May 10, 2024

அவர்களுடன் விராட் கோலி உற்சாகத்துடன் போட்டோ எடுத்து ஆசீர்வாதங்களை பெற்றுக் கொண்டார். இது தொடர்பாக பஞ்சாப் அணி வெளியிட்டு இருக்கும் வீடியோ ஒன்று அதிக விருப்பங்களை சமூக வலைதளங்களில் வருகிறது.

.