Last Updated:
டெக்சாஸ் மகாணத்தில் குடியரசுக் கட்சியின் கென் பாக்சனை எதிர்த்துப் போட்டியிடும் ஜனநாயகக் கட்சியின் ஜேம்ஸ் தாலாரிகோ 7 புள்ளிகள் முன்னிலையில் இருந்து வருவதாகக் கூறப்படுகிறது.
அமெரிக்க நாடாளுமன்றத்தின் பிரதிநிதிகள் சபை மற்றும் செனட் சபைக்கான தேர்தல் முடிவு அதிபர் டிரம்புக்கு பின்னடைவாக அமையும் என்று கருத்துக்கணிப்புகளில் தெரியவந்துள்ளது.
அமெரிக்காவில் பிரதிநிதிகள் சபையின் 435 தொகுதிகளுக்கும், மேலவையான செனட்டில் காலியாக உள்ள 35 இடங்களுக்கும் இன்று தேர்தல் நடைபெறுகிறது. அத்துடன் 36 மாநிலங்களில் ஆளுநர்களுக்கான தேர்தலும் நடைபெறுகிறது. அதிபர் டிரம்பின் ஆட்சி நிர்வாகத்திற்கு மதிப்பீடாக இந்த தேர்தல் முடிவு பார்க்கப்படுகிறது.
இந்நிலையில், இடைக்காலத் தேர்தலில் எதிர்க்கட்சியான ஜனநாயகக் கட்சியினருக்கு ஆதரவான அலை வீசுவதாகக் கருத்துக்கணிப்புகள் தெரிவிக்கின்றன. 435 இடங்களை கொண்ட பிரதிநிதிகள் சபை மற்றும் 100 இடங்களைக் கொண்ட செனட் சபை ஆகிய இரண்டிலும் ஜனநாயகக் கட்சி பெரும்பான்மையைப் பெறக்கூடும் என கருத்துக்கணிப்புகள் சுட்டிக்காட்டுகின்றன.
ஜார்ஜியா, வட கரோலினா, நியூயார்க், பென்சில்வேனியா மட்டுமின்றி, அதிபர் டிரம்பின் குடியரசுக் கட்சியின் கோட்டைகளான கேன்சாஸ், ஐயோவா, டெக்சாஸ் மற்றும் ஓகியோ ஆகிய மாகாணங்களிலும் கடும் போட்டி நிலவுவதாகக் கூறப்படுகிறது.
குறிப்பாக கேன்சாஸில் 1930 ஆம் ஆண்டுக்குப் பின் ஜனநாயகக் கட்சி வென்றதில்லை என்ற சூழலில், தற்போது அக்கட்சியின் வேட்பாளர் ஆடம் ஹேமில்டன் 5 புள்ளிகள் முன்னிலையில் உள்ளார். ஐயோவாவிலும் ஜனநாயகக் கட்சியின் ஜோஷ் டுரெக் கடும் போட்டியை அளித்து வருவதாகக் கூறப்படுகிறது.
டெக்சாஸ் மகாணத்தில் குடியரசுக் கட்சியின் கென் பாக்சனை எதிர்த்துப் போட்டியிடும் ஜனநாயகக் கட்சியின் ஜேம்ஸ் தாலாரிகோ 7 புள்ளிகள் முன்னிலையில் இருந்து வருவதாகக் கூறப்படுகிறது.
பணவீக்கம் மற்றும் பொருளாதார சிக்கல்கள் தீவிரமடைந்துள்ள நிலையில், இந்த இடைத்தேர்தல் முடிவு அதிபர் டிரம்பின் அரசியல் எதிர்காலத்தையும் நாடாளுமன்றக் கட்டுப்பாட்டையும் தீர்மானிக்கும் காரணியாக அமையும் என்பது கவனிக்கத்தக்கது.
