லாகூரில் உள்ள கடாஃபி மைதானத்தில் நடைபெறும் ஒருநாள் முக்கோண ஒருநாள் கிரிக்கெட் தொடரின் இறுதிப் போட்டியில் இலங்கை அணி பாகிஸ்தான் அணியை எதிர்கொள்கிறது.
இன்று பிற்பகல் 1.30 மணிக்கு ஆரம்பமாகவுள்ள இந்த போட்டியில் நாணய சுழற்சியில் வெற்றிப்பெற்ற பாகிஸ்தான் அணி முதலில் களத்தடுப்பில் ஈடுபடத் தீர்மானித்துள்ளது.
இதன்படி இலங்கை அணி முதலில் துடுப்பெடுத்தாடவுள்ளது.
தொடரில் மீண்டும் எழுச்சி
தொடரின் ஆரம்பச் சுற்றில் 4 போட்டிகளில் விளையாடிய பாகிஸ்தான் அணி, அதில் 3 போட்டிகளில் வெற்றி பெற்று புள்ளிப் பட்டியலில் முதலிடத்தைப் பிடித்து முன்கூட்டியே இறுதிப் போட்டிக்குத் தகுதி பெற்றது.
இத்தொடரின் தொடக்கத்தில் பாகிஸ்தானை எட்டு விக்கெட் வித்தியாசத்தில் வீழ்த்தியதால், இலங்கை மிகுந்த நம்பிக்கையுடன் இப்போட்டியில் களமிறங்குகிறது.
இலங்கை அணி ஆரம்பச் சுற்றில் 4 போட்டிகளில் விளையாடி 2 போட்டிகளில் வெற்றி பெற்று, இங்கிலாந்து அணியின் கனவைத் தகர்த்து முன்கூட்டியே இறுதிப் போட்டிக்குத் தகுதி பெற்றது.
சமீபகாலமாகத் தொடர் தோல்விகளைச் சந்தித்து வந்த இலங்கை அணி, இந்த முக்கோணத் தொடரில் மீண்டும் எழுச்சி பெற்று, இலங்கை ரசிகர்களுக்கு மறக்க முடியாத சில வெற்றிகளைப் பரிசளித்தது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
