போதைப்பொருள் குற்றச்சாட்டின் பேரில் கைது செய்யப்பட்டு சிறையில் அடைக்கப்பட்டிருந்த இளம் குடும்பஸ்தர் ஒருவரின் மரணம் தொடர்பாகக் கைது செய்யப்பட்ட உதவி காவல்துறை அதிகாரியை, ஹோமாகம நீதவான் ரஜிந்திர ஜயசூரிய இன்று (29) நவ. 12 வரை விளக்கமறியலில் வைக்குமாறு உத்தரவிட்டார்.
மேலும், சந்தேக நபரை அன்றைய தினம் அடையாள அணிவகுப்புக்கு ஆஜர்படுத்துமாறும் அவர் உத்தரவிட்டார்.
விளக்கமறியலில் வைக்கப்பட்ட நபர், ஹோமாகம தலைமையக காவல்துறை குற்றப் புலனாய்வுப் பிரிவின் பொறுப்பதிகாரியாக பணியாற்றி வந்த ரஜித குருசிங்க ஆவார்.
ஐந்து குற்றச்சாட்டுகளின் பேரில், நீதிமன்றில் முன்னிலை
சிறு மற்றும் பெரும் காயங்களை ஏற்படுத்துதல், முறையற்ற சிறைவைப்பு, மற்றும் பொய்க் கூற்றுகள் அளித்தல் உள்ளிட்ட ஐந்து குற்றச்சாட்டுகளின் பேரில், கொழும்பு தெற்கு குற்றப்பிரிவு சந்தேக நபரை நீதிமன்றத்தில் ஆஜர்படுத்தியது.
கொழும்பு தெற்கு குற்றப்பிரிவு அதிகாரிகள், சந்தேக நபரை நீதிமன்றத்தில் ஆஜர்படுத்தி, அவரைக் காவலில் வைக்க வேண்டும் என்றும், பிணையில் விடுவிக்கப்பட்டால் அவரது வாழ்க்கை பாதிக்கப்படலாம் மற்றும் பொது அமைதியின்மை ஏற்படலாம் என்றும் தெரிவித்தனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
