Last Updated:
நான்கு மாநில சட்ட மேலவை தேர்தலில் காங்கிரஸ் வெல்லாததை மோடி கிண்டல் செய்த நிலையில், பிரதமர் மக்களை தவறாக வழிநடத்துவதாக கே.சி.வேணுகோபால் பதிலளித்துள்ளார்.
நான்கு மாநிலங்களில் நடந்த 28 சட்ட மேலவை இடங்களுக்கான தேர்தலில் காங்கிரஸ் ஒரு இடத்தில் கூட வெற்றி பெறாத நிலையில் பிரதமர் நரேந்திர மோடி, “உத்தரப் பிரதேசம், மகாராஷ்டிரம், பீகார் மற்றும் கர்நாடகம் ஆகிய 4 பெரிய மாநிலங்களில் உள்ள 28 இடங்களுக்கு எம்எல்சி (MLC) தேர்தல்கள் நடைபெற்றன. இத்தேர்தல்கள் வாக்குச்சீட்டு முறையில் நடத்தப்பட்டன. காங்கிரஸ் கட்சி எத்தனை இடங்களை வென்றது என்று நினைக்கிறீர்கள்?” என கிண்டல் செய்திருந்தார்.
இந்நிலையில் இன்று டெல்லியில் செய்தியாளர்களைச் சந்தித்த காங்கிரஸ் கட்சியின் அகில இந்திய பொதுச் செயலாளர் கே.சி. வேணுகோபாலிடம் இது குறித்து கேள்வி எழுப்பப்பட்டது. இதற்கு பதில் அளித்த கே.சி.வேணுகோபால், “பிரதமர் எப்போதும் இந்த நாட்டு மக்களைத் தவறாக வழிநடத்த ‘உண்மையற்ற’ விஷயங்களையே பேசி வருகிறார். இதுவும் அப்படித்தான். அவர்கள் ஏன் வாரணாசியில் தோற்றார்கள்? ஏன் நாக்பூரில் தோற்றார்கள்? ஆர்எஸ்எஸ் (RSS) தலைமையகம் இருந்த இடத்திலேயே அவர்கள் தோற்றுவிட்டார்கள். மோடியின் சொந்தத் தொகுதியிலேயே அவர்கள் தோல்வியைச் சந்தித்தனர். இதன் பொருள் என்ன? இதற்கு என்ன விளக்கம் சொல்ல முடியும்?” என தெரிவித்தார்.
டெல்லியில் செய்தியாளர்களைச் சந்தித்த கே.சி. வேணுகோபால் கூறியதாவது; “நாங்கள் இப்போது எங்கள் பேரணியில் கவனம் செலுத்தி வருகிறோம். பொது விசாரணை (impeachment) கோரிக்கை மற்றும் நவம்பர் 1-ஆம் தேதி நடைபெறவுள்ள பேரணி ஆகியவற்றில் கவனம் செலுத்துகிறோம். பிரதமர் எப்போதும் இந்த நாட்டு மக்களைத் தவறாக வழிநடத்த ‘உண்மையற்ற’ விஷயங்களையே பேசி வருகிறார். இதுவும் அப்படித்தான். அவர்கள் ஏன் வாரணாசியில் தோற்றார்கள்? ஏன் நாக்பூரில் தோற்றார்கள்? ஆர்எஸ்எஸ் (RSS) தலைமையகம் இருந்த இடத்திலேயே அவர்கள் தோற்றுவிட்டார்கள். மோடியின் சொந்தத் தொகுதியிலேயே அவர்கள் தோல்வியைச் சந்தித்தனர். இதன் பொருள் என்ன? இதற்கு என்ன விளக்கம் சொல்ல முடியும்?
#WATCH | Delhi: On PM Modi’s tweet on MLC elections, Congress General Secretary (Organisation) and MP K.C. Venugopal says, “We are now concentrating on our rally. Public impeachment and the rally on 1st November. Prime Minister always speaks ‘untruth’ to mislead the people of this country. This is also like that only. Why did they lose Varanasi? Why did they lose Nagpur? They lost RSS headquarters. They lost Modi’s own constituency. What does it mean? What is the justification? Now entire country is looking at November 1 and tomorrow’ program. We are completely prepared for that.”
Ahead of their program tomorrow, he says, “Message is very clear. People of India now know about Gyanesh Kumar’s crime. Parliament is not ready to have an impeachment. They did not accept our impeachment motion. So, people of India are going to impeach him tomorrow.”— ANI (@ANI) October 29, 2026
இப்போது ஒட்டுமொத்த நாடும் நவம்பர் 1-ஆம் தேதியையும், நாளைய நிகழ்ச்சியையும் உற்று நோக்கிக் கொண்டிருக்கிறது. அதற்காக நாங்கள் முழுமையாகத் தயாராகிவிட்டோம்.
ஞானேஷ் குமார் செய்த குற்றத்தைப் பற்றி இந்திய மக்கள் இப்போது அறிந்துகொண்டனர். நாடாளுமன்றம் அவரைப் பதவி நீக்கம் செய்வதற்கான (impeachment) நடவடிக்கையை மேற்கொள்ளத் தயாராக இல்லை. அவர்கள் எங்கள் தீர்மானத்தை ஏற்றுக்கொள்ளவில்லை. எனவே, இந்திய மக்களே நாளை அவரைப் பதவி நீக்கம் செய்யப் போகிறார்கள்” இவ்வாறு தெரிவித்தார்.
