உக்ரைன் தலைநகர் கிவ் மீது ரஷ்யா நடத்திய வான்வழித் தாக்குதல்களில் முக்கிய போக்குவரத்துப் பாலங்கள் சேதமடைந்துள்ளதாகத் தெரிவிக்கப்பட்டுள்ளது.
இந்தத் தாக்குதல்களில் 16 பாலிஸ்டிக் ஏவுகணைகளும் 280க்கும் மேற்பட்ட ட்ரோன்களும் பயன்படுத்தப்பட்டதாக அதிகாரிகள் தெரிவித்துள்ளனர்.
மீட்புப் பணிகள் முன்னெடுக்கப்பட்டுக் கொண்டிருந்தபோதும் மீண்டும் தாக்குதல்கள் நடத்தப்பட்டதாக உக்ரைன் ஜனாதிபதி வொலோடிமிர் செலென்ஸ்கி குற்றம்சாட்டியுள்ளார்.
உக்ரைன் மீதான தாக்குதல்
இதற்கிடையில், ஃபின்லாந்து ஜனாதிபதி அலெக்சாண்டர் ஸ்டப் மற்றும் நோர்வே பிரதமர் ஜோனாஸ் கஹார் ஸ்டோர் ஆகியோர் ரஷ்ய ஜனாதிபதி விளாடிமிர் புதினுடன் அரிதான தொலைபேசி உரையாடலில் ஈடுபட்டுள்ளனர்.
எதிர்வரும் நவம்பர் மாத தொடக்கத்தில் அபுதாபியில் நடைபெறவுள்ள அமெரிக்க மத்தியஸ்தத்திலான பேச்சுவார்த்தைகளுக்கு முன்னதாக, உக்ரைன் மீதான தாக்குதல்களைக் குறைப்பது மற்றும் அமைதி முயற்சிகள் குறித்து இதன்போது கலந்துரையாடப்பட்டதாகத் தெரிவிக்கப்படுகிறது.
2022ஆம் ஆண்டுக்குப் பின்னர் மேற்கத்திய நாடுகளின் பெரும்பாலான தலைவர்கள் புதினுடன் நேரடித் தொடர்புகளைத் தவிர்த்து வந்த நிலையில், இந்தத் தொலைபேசி உரையாடல் முக்கிய இராஜதந்திர நகர்வாகக் கருதப்படுகிறது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்…! |
