நெருங்கும் தீபாவளி: வாரத்திற்கு 8 மணி நேரம் மின்வெட்டு அமல் – குஜராத் வியபாரிகள் சோகம் | India News (இந்தியா செய்திகள்)

இதனிடையே குஜராத்தில் வாரத்திற்கு 8 மணிநேரம் மின்வெட்டு அமல்படுத்தப்பட்டுள்ளதால், ஜவுளித்துறையில் மட்டும் சுமார் 300 கோடி ரூபாய் இழப்பு ஏற்பட்டு உள்ளதாக தொழில்துறையினர் கூறியுள்ளனர். தீபாவளிக்கு ஆர்டர் அதிகரித்துள்ளதால் அதனை உரிய நேரத்தில் செய்து முடிக்கவில்ல என்றால் வியபாரிகளின் இழப்பு மேலும் அதிகரிக்கும் என்றும் எதிர்பார்க்கபடுகிறது.

கடந்த 16 ஆம் தேதி குஜராத்தின் மின்தேவை இதுவரை இல்லாத அளவிற்கு 29,822 மெகாவாட்டை எட்டியது. மின்வாகனங்களின் பயன்பாடு, நவராத்திரி பண்டிகை உள்ளிட்டவற்றால் மின் தேவை அதிகரித்ததாக கூறப்படுகிறது. இந்நிலையில், மின்நெருக்கடியை சமாளிக்க, வாரத்திற்கு 8 மணிநேரம் மின்வெட்டு ஏற்படும் என அம்மாநில அரசு அறிவித்துள்ளது.

இதனால், சூரத் பகுதியில் மட்டும் சுமார் 3 லட்சம் சிறு, குறு மற்றும் நடுத்தரத் தொழில் நிறுவனங்கள் பாதிக்கப்படும் சூழல் ஏற்பட்டுள்ளது. குறிப்பாக, தீபாவளி நெருங்கும் நிலையில், ஒரு வாரத்தில் மட்டும் ஜவுளித்துறையில் சுமார் 300 கோடி ரூபாய் இழப்பு ஏற்பட்டதாக நிறுவனங்கள் தரப்பில் கூறப்பட்டுள்ளது.

தீபாவளிக்கான ஆர்டர்களை உரிய நேரத்தில் நிறைவேற்ற முடியாவிட்டால், கூடுதல் இழப்பு ஏற்படும் என்றும் மதிப்பிடப்பட்டுள்ளது. இந்த மின் வெட்டு காரணமாக, மாநிலம் முழுவதும் சுமார் 25 லட்சம் தொழிலாளர்களின் வாழ்வாதாரம் பாதிக்கப்படும் என்றும் கூறப்பட்டுள்ளது. ஏற்கெனவே ஹோர்முஸ் நீரிணை பாதிப்பால் குஜராத் தொழில்துறை கடும் பின்னடைவை சந்தித்த நிலையில், தற்போதைய மின்வெட்டு அதனை மேலும் சிக்கலாக்கி உள்ளது.