ஹலிம் ஹாரோன் அந்தச் சம்பவம் நடந்ததையே மறுத்து, அது வெறுமனே ஒரு ‘மத சிகிச்சை’ அமர்வு மட்டுமே என்று கூறுகிறார்.
அம்பாங் செஷன்ஸ் நீதிமன்ற நீதிபதி நார்ஷிலா கமாருதீன் கூறுகையில், குற்றம் சாட்டப்பட்ட ஹலிம் ஹாரோன், பாதிக்கப்பட்டவரைப் பாதுகாத்திருக்க வேண்டும். ஆனால், அவர் அவ்வாறு செய்யாமல், பாதிக்கப்பட்டவரைப் பயன்படுத்தித் தனக்குச் சாதகமாக நடந்துகொண்டார்.
அம்பாங் செஷன்ஸ் நீதிமன்றத்தில் இன்று, 2022-ஆம் ஆண்டு மாணவர் ஒருவருக்கு பாலியல் தொல்லை அளித்ததற்காக மதப் பள்ளி ஆசிரியர் ஒருவருக்கு 10 ஆண்டுகள் சிறைத்தண்டனை விதிக்கப்பட்டது.
2017-ஆம் ஆண்டின் சிறுவர்களுக்கு எதிரான பாலியல் குற்றங்கள் சட்டம் பிரிவு 14(b)-இன் கீழ் குற்றம் நிரூபிக்கப்பட்டதை அடுத்து, 63 வயதான ஹாலிம் ஹரோனுக்கு (Halim Haron) நீதிபதி நோர்ஷிலா கமருதீன் தண்டனை வழங்கினார்.
சிறையில் இருக்கும் போது அவருக்கு உளவியல் ஆலோசனை (Counselling) வழங்கப்பட வேண்டும் என்றும், விடுதலைக்கு பிறகு இரண்டு ஆண்டுகள் காவல் துறையின் கண்காணிப்பில் வைக்கப்பட வேண்டும் என்றும் நீதிமன்றம் உத்தரவிட்டது.
பிப்ரவரி 26, 2022 அன்று ரவாங்கிலுள்ள ஒரு மதத் தொடக்கப் பள்ளியில், அப்போதைய 16 வயதான சிறுவனுக்கு ஹாலிம் பாலியல் தொல்லை அளித்துள்ளார்.
வழக்கின் விவரங்களின்படி, அந்தச் சிறுவன் “ஆன்மீக சிகிச்சைக்காக” (Religious Treatment) ஹாலிமைச் சந்திக்க பள்ளிக்குச் சென்றுள்ளார்; ஆனால் அங்கு அவருக்கு பாலியல் தொல்லை அளிக்கப்பட்டுள்ளது.
வீட்டிற்குத் திரும்பிய சிறுவன் இச்சம்பவம் குறித்துத் தன் தாயாரிடம் கூறியுள்ளார். அவரது தாய் காவல்நிலையத்தில் புகார் அளிக்குமாறு அறிவுறுத்தியதைத் தொடர்ந்து, அன்று மாலையே ஹாலிம் கைது செய்யப்பட்டார்.
தன் மீதான குற்றச்சாட்டை மறுத்து வாதிட்ட ஹாலிம், பாலியல் தொல்லை எதுவும் நடக்கவில்லை என்றும், அது வெறும் “ஆன்மீக சிகிச்சை” அமர்வு மட்டுமே என்றும் கூறினார்.
இருப்பினும், அரசுத் தரப்பு வழக்கில் எந்தவொரு நியாயமான சந்தேகத்தையும் எழுப்ப அவர் தவறிவிட்டார் என்றும், அவரது சாட்சியம் வெறும் மறுப்பு மட்டுமே என்றும் நீதிமன்றம் கருதியது.
“பாதிக்கப்பட்ட சிறுவனின் சாட்சியம் நிலையானதாகவும், அரசுத் தரப்பு மற்றும் பிரதிவாதித் தரப்பின் அனைத்துக் கேள்விகளுக்கும் பதிலளிக்கும் வகையிலும் இருந்ததால், அவரது நம்பகத்தன்மையை நீதிமன்றம் சந்தேகிக்கவில்லை,” என்று நோர்ஷிலா கூறினார்.
பள்ளிகள் மாணவர்களுக்குப் பாதுகாப்பான இடமாக இருக்க வேண்டும் என்பதை வலியுறுத்திய அவர், ஹாலிம் பாலியல் குற்றம் புரிவதற்காகவே பள்ளியைப் பயன்படுத்தியுள்ளார் என்றார்.
மேலும், ஹாலிம் தனது அதிகாரத்தைப் தவறாகப் பயன்படுத்தியுள்ளார், ஒரு சிறுவனைப் சாதகமாகப் பயன்படுத்திக் கொண்டார, மற்றும் சிறுவனின் பெற்றோர் தன் மீது வைத்த நம்பிக்கையைத் துஷ்பிரயோகம் செய்துள்ளார் என்றும் நோர்ஷிலா கூறினார்.
“குற்றம் சாட்டப்பட்டவர் பாதிக்கப்பட்ட சிறுவனைப் பாதுகாத்திருக்க வேண்டும். அதற்குப் பதிலாக, அவர் இந்த அவமானகரமான குற்றத்தைச் செய்துள்ளார்,” என்று அவர் கூறினார்.
