பலாங்கொட கஸ்ஸப தேரர், கொழும்பு விகாரமகாதேவி பூங்காவில் வழுக்கி விழுந்ததன் காரணமாகவே கொழும்பு தேசிய வைத்தியசாலையில் அனுமதிக்கப்பட்டதாக பொலிஸ் ஊடக பேச்சாளர் பிரெட்ரிக் வூட்லர் தெரிவித்துள்ளார்.
இந்த சம்பவத்தை அடிப்படையாக கொண்டு, குறிப்பாக சமூக ஊடகங்களில் சிலர் பொதுமக்களை தூண்டும் வகையில் பொய்யான தகவல்களை பரப்பி வருவது அவதானிக்கப்பட்டுள்ளதாக அவர் குறிப்பிட்டார்.
இவ்வாறு பொய்யான தகவல்களைப் பரப்புவோருக்கு எதிராக சட்டம் கடுமையாக நடைமுறைப்படுத்தப்படும் என்றும் அவர் எச்சரித்தார்.
மேலும், தேரர் மீது எந்தவிதமான தாக்குதலும் நடத்தப்பட்டதாக தகவல் எதுவும் கிடைக்கவில்லை என்றும் பொலிஸ் ஊடகப் பேச்சாளர் தெரிவித்தார்.
