எல்ல பகுதியில் உள்ள ஒரு வர்த்தக நிறுவனம், குடிநீர் போத்தலை அதிக விலைக்கு விற்றதற்கும், காலாவதியான சோடா போத்தலை விற்றதற்கும் நீதிமன்றம் ரூ. 2,60,000 அபராதம் விதித்துள்ளதாக நுகர்வோர் விவகாரங்கள் ஆணையகம் தெரிவித்துள்ளது.
ரூ. 120 மதிப்புள்ள குடிநீர் போத்தலை ரூ. 200-க்கு விற்றதற்கும், காலாவதியான சோடா போத்தல்களை விற்றதற்கும் இந்த அபராதம் விதிக்கப்பட்டுள்ளதாக அந்நிறுவனத்தின் தலைவர் ஹேமந்த சமரகோன் தெரிவித்தார்.
குற்றத்தை ஒப்புக்கொண்டதை அடுத்து விதிக்கப்பட்டது அபராதம்
நுகர்வோர் விவகாரங்கள் ஆணையத்தின் பதுளை மாவட்ட புலனாய்வு அதிகாரிகள் தொடுத்த வழக்கில் பண்டாரவளை நீதவான் நீதிமன்றத்தில் குற்றம் சாட்டப்பட்ட நிறுவனம் தன் மீதான குற்றத்தை ஒப்புக்கொண்டதை அடுத்து, மேற்கண்ட அபராதம் விதிக்கப்பட்டது.
நிர்ணயிக்கப்பட்ட அதிகபட்ச சில்லறை விலையை விட அதிக விலையில் தண்ணீர் போத்தல்கள் அல்லது பிற பொருட்களை விற்கும் வர்த்தக நிறுவனங்கள் குறித்து யாருக்கேனும் தகவல் தெரிந்தால், அலுவலக நேரத்தில் 1977 என்ற இலக்கத்திற்கு நுகர்வோர் விவகாரங்கள் ஆணையகத்திற்குத் தெரிவிக்குமாறு தலைவர் கேட்டுக்கொண்டார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
