Last Updated:
இந்த தொலைநோக்கு நடவடிக்கை அப்பகுதி மக்களுக்குப் பெருமளவிலான வேலைவாய்ப்பையும் ஈட்டித் தந்துள்ளது.
சீனாவில் அமைந்துள்ள ஆசியாவின் மிகப்பெரிய உப்பு வயலில், உற்பத்திப் பணிகள் தீவிரமாக நடைபெற்று வருகின்றன.
சாவோஃபெய்டியன் மாவட்டத்தில் சுமார் 57,657 ஏக்கர் பரப்பளவில் அமைந்துள்ள இந்த நான்பாவ் உப்பு வயல், சீனாவின் சாங்லு கடல் உப்பு உற்பத்திப் பிராந்தியத்தின் முக்கிய தளமாக திகழ்ந்து வருகிறது. தற்போது இலையுதிர்காலம் தொடங்கியுள்ள நிலையில், நிலவும் சாதகமான வெயில் காலத்தைப் பயன்படுத்தி தொழிலாளர்கள் நவீன இயந்திரங்கள் மூலம் உப்பைச் சேகரிக்கும் பணியில் ஈடுபட்டுள்ளனர்.
உப்பைச் சேகரிக்க அதிநவீன அறுவடை இயந்திரங்களை இயக்கி வரும் தொழிலாளர்கள், குறுகிய காலத்தில் அதிக உற்பத்தியைச் சாதித்து வருகின்றனர். மைதானம் முழுவதும் வெள்ளை நிற மலைகள் போலக் குவிந்து கிடக்கும் உப்பு காண்போரை கவரும் வகையில் அமைந்துள்ளது. உப்பு உற்பத்தியில் கிடைக்கும் துணைப் பொருட்களைப் பல்வேறு ரசாயனத் தொழிற்சாலைகளுக்கு மூலப்பொருளாகப் பயன்படுத்துவதன் மூலம் கழிவுகள் குறைக்கப்பட்டு, உயர்தர உள்ளூர் பொருளாதார வளர்ச்சி எட்டப்பட்டுள்ளது. இந்த தொலைநோக்கு நடவடிக்கை அப்பகுதி மக்களுக்குப் பெருமளவிலான வேலைவாய்ப்பையும் ஈட்டித் தந்துள்ளது.
