கம்பகா மாவட்டத்தில் நிட்டம்புவ காவல் பிரிவுக்குட்பட்ட தங்கொல்லவத்த பகுதியில் தடிகளால் தாக்கப்பட்டு 70 வயதுடைய நபர் ஒருவர் உயிரிழந்துள்ளார்.
நேற்று (10.11.2026) மாலை உயிரிழந்த நபருக்கும் அவரது மகளின் கணவருக்கும் இடையில் ஏற்பட்ட வாக்குவாதம் முற்றியதையடுத்து, மருமகன் இந்தத் தாக்குதலை நடத்தியுள்ளதாக ஆரம்பகட்ட விசாரணைகளில் தெரியவந்துள்ளது.
தாக்குதலில் படுகாயமடைந்த குறித்த நபர் வத்துபிட்டிவல ஆதார வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.
மேலதிக விசாரணை
உயிரிழந்தவர் இஹல தங்கொல்லவத்த பகுதியில் வசித்து வந்த 70 வயதுடையவர் என நிட்டம்புவ காவல்துறையினர் தெரிவித்துள்ளனர்.
சம்பவத்தையடுத்து 26 வயதுடைய சந்தேகநபர் அப்பகுதியிலிருந்து தப்பிச் சென்றுள்ளதுடன், அவரைக் கைது செய்வதற்காக நிட்டம்புவ காவல்துறையினர் மேலதிக விசாரணைகளை முன்னெடுத்து வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
