Last Updated:
பெண்களுக்கான ஃப்ரீ இம்மர்ஷன் பிரிவில் ஹங்கேரியின் சோஃபியா டோரோட்சிக் 354 அடி ஆழத்திற்குச் சென்று புதிய உலக சாதனை படைத்து சாம்பியன் பட்டம் வென்றுள்ளார்.
எந்தவித சுவாச கருவிகளும் இன்றி கடலில் 450 அடி ஆழத்திற்குச் சென்று, ரஷ்யாவின் ஃப்ரீடைவர் அலெக்ஸி மோல்சனோவ் உலக சாதனை படைத்துள்ளார்.
சைப்ரஸின் லிமாசோல் கடற்பகுதியில் ‘உலக அப்னியா ஆழ்கடல் சாம்பியன்ஷிப்’ போட்டி நடைபெற்றது. இதில், கான்ஸ்டன்ட் வெயிட் பிரிவில் ரஷ்யாவின் முன்னணி வீரர் அலெக்ஸி மோல்சனோவ் தனது சொந்த மூச்சுத் திறனை மட்டுமே நம்பி சுமார் 449 புள்ளி ஐந்து அடி ஆழத்திற்குச் சென்று வியப்பில் ஆழ்த்தினார்.
இதன்மூலம், அவர் இந்த போட்டியில் முதலிடம் பிடித்து தங்கப் பதக்கம் வென்றார். மேலும், 2023ஆம் ஆண்டு 446 அடி ஆழ்கடலுக்கு சென்ற தனது முந்தைய சாதனையையும் ரஷ்யாவின் முன்னணி வீரர் அலெக்ஸி மோல்சனோவ் முறியடித்துள்ளார் என்பது குறிப்பிடத்தக்கது.
