Last Updated:
பிரதமர் நரேந்திர மோடி 25 வருட அரசுப்பதவியில் இருப்பதென்பது, மீது மக்கள் வைத்துள்ள நம்பிக்கை மற்றும் ஆதரவையே பிரதிபலிப்பதாக தீர்மானத்தில் தெரிவிக்கப்பட்டுள்ளது.
அரசுப் பதவியில் பிரதமர் மோடி 25 ஆண்டுகள் நிறைவு செய்ததை பாராட்டி, மத்திய அமைச்சரவையில் தீர்மானம் நிறைவேற்றப்பட்டது.
டெல்லியில் பிரதமர் நரேந்திர மோடி தலைமையில் மத்திய அமைச்சரவைக் கூட்டம் நடைபெற்றது. அப்போது, அரசின் தலைவராக தொடர்ந்து 25 ஆண்டுகளை கடந்த பிரதமர் நரேந்திர மோடிக்கு வாழ்த்து தெரிவித்து தீர்மானம் நிறைவேற்றப்பட்டது. ‘நாடும், நாட்டு மக்களுக்கு மட்டுமே முதல் முன்னுரிமை என்ற அடிப்படையில் 25 ஆண்டுகளாக பணியாற்றி வரும் பிரதமர் நரேந்திர மோடியின் அசாதாரண பயணன் கொண்டாடப்படும்’ எனும் வகையில் தீர்மானம் நிறைவேற்றப்பட்டது.
குஜராத்தில் மூன்று முறை முதலமைச்சராக பதவி வகித்த பின், தொடர்ந்து, மூன்று மக்களவை தேர்தல்களில் வெற்றி பெற்றது, பிரதமர் நரேந்திர மோடி மீது மக்கள் வைத்துள்ள நம்பிக்கை மற்றும் ஆதரவை பிரதிபலிப்பதாக தீர்மானத்தில் தெரிவிக்கப்பட்டுள்ளது. பிரதமர் நரேந்திர மோடி தலைமையின் கீழ் வளர்ச்சி, கலாசார பாரம்பரியம், சுற்றுச்சூழல் பொறுப்பு, புதுப்பிக்கத்தக்க எரிசக்தி விரிவாக்கம் மற்றும் சர்வதேச கூட்டாண்மைகள் வரை சிறந்து விளங்கியதாக தீர்மானத்தில் கூறப்பட்டுள்ளது.
