கோலாலம்பூர்:
சுமார் 9 ஆண்டுகளுக்குப் பிறகு சர்வதேசப் புகழ்மிக்க ஃபார்முலா ஒன் (F1) கார் பந்தயம் மீண்டும் மலேசியாவிற்குத் திரும்புகிறது. நாளை (அக்டோபர் 2) முதல் அக்டோபர் 4-ஆம் தேதி வரை சிப்பாங் அனைத்துலக பந்தயத் திடலில் (SIC) பஹ்ரைன் கிராண்ட் பிரி போட்டி நடைபெறவுள்ளது.
மத்திய கிழக்கு நாடுகளில் ஏற்பட்டுள்ள பாதுகாப்புச் சூழல் காரணமாகப் பஹ்ரைனில் நடைபெறவிருந்த F1 போட்டி ரத்து செய்யப்பட்டது. இதனைத் தொடர்ந்து, அப்பந்தயத்தை மலேசியாவில் நடத்துவதற்கு ஃபார்முலா ஒன் நிர்வாகம், சர்வதேச மோட்டார் வாகனச் சம்மேளனம் (FIA) மற்றும் மலேசிய, பஹ்ரைன் அரசுகள் இணைந்து ஒப்புதல் அளித்துள்ளன.
“கடந்த 2017-ஆம் ஆண்டுக்குப் பிறகு முதன்முறையாகச் சிப்பாங்கில் ஃபார்முலா ஒன் பந்தயம் நடைபெற உள்ளதால் ரசிகர்களிடையே மிகுந்த எதிர்பார்ப்பு நிலவுகிறது. இதுவரை சுமார் 95,000 மூன்று நாள் நுழைவுச்சீட்டுகள் விற்பனையாகியுள்ள நிலையில், வார இறுதியில் இந்த எண்ணிக்கை 1 லட்சத்தைத் தொடும் என எதிர்பார்க்கப்படுகிறது.”
இப்பந்தயத்தில் மழை மற்றும் நிலவும் புகைமூட்டம் ஆகியவை பந்தய வீரர்களுக்கு முக்கியச் சவால்களாக அமையும் எனக் கணிக்கப்பட்டுள்ளது.
இருப்பினும், சிப்பாங் களத்தில் ஏற்கனவே வெற்றி வாகை சூடிய முன்னணி ஓட்டுநர்களான ஃபெர்னாண்டோ அலோன்சோ, லூயிஸ் ஹாமில்டன் மற்றும் மேக்ஸ் வெர்ஸ்டாப்பன் ஆகியோர் தங்களது அனுபவத்துடன் களமிறங்குவது ரசிகர்களுக்கு விருந்தாக அமையவுள்ளது.
The post 9 ஆண்டுகளுக்குப் பின் சிப்பாங்கில் அலறப்போகும் F1 என்ஜின்கள்: மீண்டும் மலேசியாவில் ஃபார்முலா ஒன் கார் பந்தயம்! appeared first on Makkal Osai – மக்கள் ஓசை.
