முன்னாள் தொழிலாளர் மற்றும் வெளிநாட்டு வேலைவாய்ப்பு அமைச்சர் மனுஷ நாணயக்கார, இலஞ்சம் அல்லது ஊழல் பற்றிய குற்றச்சாட்டுகளைப் புலனாய்வு செய்வதற்கான ஆணைக்குழுவில் (CIABOC) வாக்குமூலம் அளிப்பதற்காக முன்னிலையாகியுள்ளார்.
இஸ்ரேல் நாட்டுக்கான இலங்கைத் தொழிலாளர்களை அனுப்பும் பணி மற்றும் இலங்கை வெளிநாட்டு வேலைவாய்ப்புப் பணியக அதிகாரிகளுக்கு செல்வாக்குச் செலுத்தியமை தொடர்பான முறைப்பாடுகள் குறித்தே இந்த விசாரணை நடத்தப்படுகிறது.
நீதிமன்றம் தள்ளுபடி
இவ்வழக்கு தொடர்பாகத் தன்னைக் கைது செய்வதைத் தடுக்கும் வகையில் அவர் தாக்கல் செய்திருந்த முன்பிணை (Anticipatory Bail) மனுவை கொழும்பு பிரதான நீதிவான் நீதிமன்றம் தள்ளுபடி செய்திருந்தது.
இந்தநிலையில் நீதிமன்ற உத்தரவைத் தொடர்ந்து லஞ்ச ஊழல் ஆணைக்குழுவில் முன்னிலையாகி வாக்குமூலம் வழங்குவதாக அவரது சட்டத்தரணி அறிவித்திருந்த நிலையிலேயே அவர் தற்போது ஆணைக்குழுவில் முன்னிலையாகியுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்…! |
