Last Updated:
தேர்தல் ஆணையத்தின் முடிவை எதிர்த்து, மம்தா பானர்ஜி தாக்கல் செய்த மனுவை விசாரணைக்கு பட்டியலிட உச்சநீதிமன்றம் ஒப்புதல் அளித்துள்ளது.
திரிணமுல் காங்கிரஸ் கட்சியின் பெயரையும், சின்னத்தையும் முடக்கிய தேர்தல் ஆணையத்தின் முடிவை எதிர்த்து, மம்தா பானர்ஜி தாக்கல் செய்த மனுவை விசாரணைக்கு பட்டியலிட உச்சநீதிமன்றம் ஒப்புதல் அளித்துள்ளது.
மேற்கு வங்கத்தில் மே மாதம் நடைபெற்ற சட்டப்பேரவைத் தேர்தலில் தோல்வியடைந்த நிலையில், மம்தா பானர்ஜியின் திரிணமுல் காங்கிரஸில் பிளவு ஏற்பட்டது. நந்திகிராம் மற்றும் ரெஜிநகர் தொகுதிகளுக்கு இடைத்தேர்தல் அறிவிக்கப்பட்டுள்ள நிலையில், கட்சியின் பெயர் மற்றும் சின்னத்தை தேர்தல் ஆணையம் முடக்கியுள்ளது.
இந்த நிலையில், உச்ச நீதிமன்றத்தில் தலைமை நீதிபதி சூர்ய காந்த் முன்பு மம்தா பானர்ஜியின் சார்பில் மூத்த வழக்கறிஞர் கபில் சிபல் ஆஜராகி முறையிட்டார். அதில், கட்சி விவகாரம் தொடர்பாக தேர்தல் ஆணையத்தின் முன்பான நடவடிக்கைகள் ஜூன் மாதம் தொடங்கியதாகவும், அதற்கான பதிலை மம்தா பானர்ஜி தரப்பு ஜூலை மாதம் தாக்கல் செய்ததாகவும், ஆனால் நந்திகிராம் மற்றும் ரெஜிநகர் இடைத்தேர்தலுக்கான அறிவிப்பு வெளியிடப்பட்ட பின்னர் சின்னம் முடக்கப்பட்டதாகவும் கூறினார்.
குறிப்பாக கடந்த இரண்டு மாதங்களாக எந்த நடவடிக்கையும் எடுக்காமல் இடைத்தேர்தல் அறிவித்தவுடன் சின்னத்தை முடக்கியதற்கு தடைவிதிக்க வேண்டும் என்றார். இதையடுத்து, இந்த வழக்கை விரைவில் விசாரணைக்கு பட்டியலிடுவதற்கு தலைமை நீதிபதி உறுதியளித்தார்.
