Last Updated:
பிரதமர் மோடியின் பிறந்தநாள் கொண்டாட்டங்கள், அவரது 25 ஆண்டுகால பொதுச் சேவைப் பயணத்துடன் இணைத்து முன்னெடுக்கப்படுகின்றன.
பிரதமர் நரேந்திர மோடி இன்று தனது 76-வது பிறந்தநாளில் அடியெடுத்து வைத்துள்ளார். இதனை பாஜக புதன்கிழமை நள்ளிரவு 11.59 மணிக்கு, அதாவது பிறந்தநாள் பிறப்பதற்கு சரியாக ஒரு நிமிடத்திற்கு முன்பாகவே கொண்டாட்டங்களைத் தொடங்கியது. கட்சியின் அதிகாரப்பூர்வ எக்ஸ் (X) சமூக வலைதளப் பக்கத்தில் #HappyBdayPMModi என்ற ஹேஷ்டேக்குடன் ஒரு சிறப்பு வீடியோ வெளியிடப்பட்டது.
22 நொடிகள் மட்டுமே கொண்ட இந்த வேகமான வீடியோ, நள்ளிரவு கவுண்டவுன் (Countdown) காட்சியுடன் தொடங்குகிறது. தொடர்ந்து பாலிவுட்டில் பிரபல நடிகர் சல்மான் கான் நடித்த ‘டைகர் ஜிந்தா ஹாய்’ திரைப்படத்தில் இடம்பெற்ற ‘ஸ்வாக் சே ஸ்வாகத்’ (Swag Se Swagat) என்ற விறுவிறுப்பான பாடல் பின்னணியில் ஒலிக்கிறது.
கவுண்டவுனுக்குப் பிறகு, பிரதமர் மோடியின் பல்வேறு முக்கிய உலகளாவிய மற்றும் பொது நிகழ்வுகளின் காட்சித் தொகுப்புகள் அதிவேகமாகத் திரையிடப்படுகின்றன.
இதில் பிரிக்ஸ் (BRICS) உச்சி மாநாட்டில் உலகத் தலைவர்களுடன் பிரதமர் மோடி கலந்துரையாடும் காட்சிகள், பாதுகாப்புப் படையினருடன் நடந்து செல்லும் காட்சிகள், மேடைகளில் இருந்தும் வெளிப்புறப் பொதுக் கூட்டங்களில் இருந்தும் திரளான மக்களுக்குக் கையசைக்கும் காட்சிகள் போன்றவை இடம்பெற்றுள்ளன. மேலும், இந்த வீடியோ நகரும் முழு நேரமும் “HAPPY BIRTHDAY MODI JI ” என்ற பிறந்தநாள் வாழ்த்துச் செய்தி முகப்பில் பளிச்சிடுகிறது.
பிரதமர் மோடியின் பிறந்தநாள் கொண்டாட்டங்கள், அவரது 25 ஆண்டுகால பொதுச் சேவைப் பயணத்துடன் இணைத்து முன்னெடுக்கப்படுகின்றன. 2001 அக்டோபரில் குஜராத் முதலமைச்சராகப் பொறுப்பேற்ற நரேந்திர மோடி, 2014-இல் பிரதமராகப் பொறுப்பேற்றுத் தற்போது தொடர்ச்சியாக மூன்றாவது முறையாக நாட்டின் பிரதமராகச் சேவை செய்து வருகிறார்.
வழக்கமாகப் பிரதமர் பிறந்தநாளைச் சமூக சேவை மற்றும் மக்கள் நலத் திட்டங்கள் மூலம் பாஜக கொண்டாடும். இந்த ஆண்டும் நாடு முழுவதிலும் பல்வேறு சேவை சார்ந்த நிகழ்ச்சிகள் ஏற்பாடு செய்யப்பட்டுள்ள போதிலும், சமூக வலைதளங்களில் இளைஞர்களைக் கவரும் வகையில் பாலிவுட் பாடலையும் நள்ளிரவு கவுண்டவுனையும் பயன்படுத்திப் புதுமையான பாப்-கலாச்சார (Pop-culture) பாணியில் பாஜக இந்த வாழ்த்து வீடியோவை வெளியிட்டுள்ளது.
