இந்த திட்டத்தில் மாதம் வெறும் ரூ.1,500 முதலீடு செய்தால், கூட்டு வட்டியின் பலனுடன் நீண்ட காலத்தில் ஒரு பெரிய நிதியை உருவாக்க முடியும். செல்வமகள் சேமிப்பு திட்டத்தின் விதிகளின்படி, கணக்கு தொடங்கப்பட்ட தேதியிலிருந்து 15 ஆண்டுகளுக்கு மட்டுமே நீங்கள் பணத்தை முதலீடு செய்ய வேண்டும். ஆனால், இத்திட்டத்தின் முதிர்வு காலம் 21 ஆண்டுகள் ஆகும். அதாவது, 15-வது ஆண்டிலிருந்து 21-வது ஆண்டு வரையிலான 6 ஆண்டுகளுக்கு நீங்கள் கூடுதல் தொகையைச் செலுத்த வேண்டியதில்லை. இருப்பினும், நீங்கள் செலுத்திய தொகைக்கு 8.2% வட்டி தொடர்ந்து கிடைக்கும்.
