காலாவதியான தேயிலை விற்பனை : விதிக்கப்பட்ட இலட்சக்கணக்கான அபராதம்

நுகர்வோர் ஒருவருக்குக் காலாவதியான தேயிலைப் பொதியைவிற்பனை செய்ததற்காக, கொழும்பு இலக்கம் 5 நீதவான் நீதிமன்றம் ஒரு நிறுவனத்திற்கு ரூ. 200,000 அபராதம் விதித்துள்ளது.

நுகர்வோர் விவகார அதிகாரசபையால் (CAA) தாக்கல் செய்யப்பட்ட வழக்கு நீதிமன்றத்தில் விசாரணைக்கு எடுத்துக்கொள்ளப்பட்டபோது, ​​அந்நிறுவனம் தனது குற்றத்தை ஒப்புக்கொண்டது.

உறுதிப்படுத்திய விசாரணை

ஜூலை 15, 2026 அன்று காலாவதியாகும் எனக் குறிப்பிடப்பட்டிருந்த 400 கிராம் எடையுள்ள தேயிலைப் பொதி ஒன்று ரூ. 1,000-க்கு விற்பனை செய்யப்பட்டதை நுகர்வோர் விவகார அதிகாரசபையின் (CAA) விசாரணை உறுதிப்படுத்தியது.

ஓகஸ்ட் 15, 2014 திகதியிட்ட 1875/38 இலக்க அதிவிசேட வர்த்தமானியில் வெளியிடப்பட்ட 52-ஆம் இலக்க வழிகாட்டலை மீறியதற்காக இந்தச் சட்ட நடவடிக்கை மேற்கொள்ளப்பட்டது.

விற்பனைக்கு ஏற்றதல்லாதவை, காலாவதியானவை அல்லது மனித நுகர்வுக்குப் பொருத்தமற்றவை என அடையாளம் காணப்பட்ட பொருட்களை, விற்பனைக்கு வைக்கப்பட்டுள்ள ஏனைய பொருட்களுடன் சேர்த்துச் சேமித்து வைப்பதையோ அல்லது காட்சிப்படுத்துவதையோ உற்பத்தியாளர்கள், இறக்குமதியாளர்கள், விநியோகஸ்தர்கள், வழங்குநர்கள் மற்றும் வர்த்தகர்கள் மேற்கொள்வதை இந்த வழிகாட்டல் தடை செய்கிறது.