Election Breaking Live | ஜூன் 9 ஆம் தேதி பிரதமராக பதவியேற்கிறார் நரேந்திர மோடி

முக்கிய இலாக்காக்களை தக்கவைக்கும் பாஜக

வயநாடா? ரேபரேலியா? – ராகுல் முக்கிய முடிவு

இன்று மாலை 5 மணியளவில் ராகுல்காந்தி செய்தியாளர்களை சந்திக்கவுள்ளார். இந்த சந்திப்பில் எந்த தொகுதியில் எம்பியாக பதவியேற்பது என்பது உள்ளிட்ட முக்கிய முடிவுகளை கூறவுள்ளதாக தகவல் வெளியாகியுள்ளது.

8 ஆம் தேதி கூடுகிறது காங். கமிட்டி

வரும் சனிக்கிழமை (8 ஆம் தேதி) காங்கிரஸ் கமிட்டி கூடவுள்ளதாக அறிவிப்பு வெளியாகியுள்ளது.

ஜூன் 9 ஆம் தேதி மோடி பதவியேற்பு

அதிமுகவுடன் மீண்டும் கூட்டணியா? – அண்ணாமலை விளக்கம்

கோவை விமான நிலையத்தில் செய்தியாளர்களிடம் பாஜக மாநில தலைவர் அண்ணாமலை பேசுகையில், “தமிழ்நாட்டில் 2026 சட்டமன்ற தேர்தலில் பாஜக கண்டிப்பாக கூட்டணி ஆட்சி அமைக்கும். அதிமுகவில் ஈபிஎஸ்க்கும், எஸ்.பி.வேலுமணிக்கும் கட்சியில் ஏதோ பிரச்சனை இருப்பது போல் தெரிகிறது. மீண்டும் அதிமுகவுடன் கூட்டணி அமைக்க வாய்ப்பு இல்லை.  கோவை மக்கள் அதிமுகவை புறக்கணித்துவிட்டார்கள்” என்று பேசினார்.

மோடியிடம் நிதிஷ்குமார் வைத்த புதிய கோரிக்கைகள்

நரேந்திர மோடி பிரதமராக பதவியேற்கும் தேதியில் மாற்றம்

பிரதமர் நரேந்திர மோடி சனிக்கிழமைக்கு பதிலாக வரும் ஞாயிற்று கிழமை பதவியேற்க வாய்ப்பு என தகவல் வெளியாகி உள்ளது. நாளை நடைபெறும் பாஜக கூட்டணி கட்சி எம்.பிகள் கூட்டத்தில் பிரதமராக தேர்வாகிறார் நரேந்திர மோடி

எதிர்கட்சி தலைவராகிறார் ராகுல் காந்தி?

விரைவில் நடக்க உள்ள காங்கிரஸ் எம்.பிக்கள் கூட்டத்தில் அக்கட்சியின் மக்களவை தலைவராக ராகுல் காந்தி தேர்வாக வாய்ப்பு. ராகுல் காந்தியை எதிர்கட்சி தலைவராக்க கட்சிக்குள் பலரும் வலியுறுத்தியதாக தகவல் வெளியாகி உள்ளது.

விஜய பிரபாகரன் தோற்கவில்லை; திட்டமிட்ட சூழ்ச்சியால் வீழ்த்தப்பட்டிருக்கிறார் – பிரேமலதா விஜயகாந்த் பரபரப்பு குற்றச்சாட்டு

புதிய அமைச்சரவையில் யார் யாருக்கு இடம்?

பிரதமர் மோடி தலைமையிலான புதிய மத்திய அமைச்சரவையில் யார் யாருக்கு அமைச்சர் பதவி என டெல்லியில் பாஜக தேசிய தலைவர் ஜேபி நட்டா தலைமையில் மூத்த தலைவர்கள் ஆலோசனை கூட்டம் நடைபெறுகிறது. கூட்டணி கட்சிகளுக்கு எத்தனை அமைச்சர்கள் பதவிகள் மற்றும் எந்த துறை குறித்து கலந்து ஆலோசிக்கப்பட உள்ளது.

உ.பியின் உணர்வுள்ள மக்களை நினைத்து பெருமைப்படுகிறேன் – பிரியங்கா காந்தி

உத்திரப்பிரதேச காங்கிரஸ் நிர்வாகிகளுக்கு எனது பாராட்டுக்கள். கடினமான நேரங்களிலும் போராடும் துணிவை காட்டினீர்கள். நீங்கள் சித்ரவதை செய்யப்பட்டீர்கள், பொய் வழக்குகளுக்கு உள்ளாக்கப்பட்டீர்கள், சிறையில் அடைக்கப்பட்டீர்கள், ஆனால் நீங்கள் பயப்படவில்லை. தேர்தல் பொதுமக்களுடையது, போராடுவதும், வெற்றி பெறுவதும் பொதுமக்கள் என்று பிரியங்கா காந்தி தனது எக்ஸ் பக்கத்தில் பதிவிட்டுள்ளார்.

அண்ணாமலை தோல்வி – மொட்டை அடித்து கொண்ட பாஜக நிர்வாகி

3 கேபினட் அமைச்சர் பதவி கேட்கும் ஐக்கிய ஜனதா தளம்

பாஜக கூட்டணி அரசில் முக்கிய அமைச்சர் பதவிகளை தெலுங்கு தேசம், ஐக்கிய ஜனதா தளம் கேட்டுள்ளதாக தகவல் வெளியாகி உள்ளது. 3 முக்கிய கேபினட் அமைச்சர் பதவிகளை ஐக்கிய ஜனதா தளம் கேட்டுள்ளது. ரயில்வே, தரைவழிப் போக்குவரத்து மற்றும் கிராமப்புற வளர்ச்சி துறையை ஐக்கிய ஜனதா தளம் கேட்டுள்ளது.

மக்களவை சபாநாயகர் பதவி கேட்கும் தெலுங்கு தேசம்

மக்களவை சபாநாயகர் பதவியை தெலுங்கு தேசத்திற்கு வழங்க சந்திரபாபு நாயு கோரிக்கை விடுத்துள்ளதாக தகவல் வெளியாகி உள்ளது. ரயில்வே மற்றும் தகவல் தொழில்நுட்பத்துறை உள்ளிட்ட 4 கேபினட் மற்றும் 2 இணை அமைச்ர்கள் என மொத்தம் 6 அமைச்சர்கள் பதவியையும் சந்திரபாபு நாயடு கேட்டுள்ளதாக தகவல் வெளியாகி உள்ளது.