‘ஸ்டேய் இன் முபீ’ (Stay in Mufee) சலூன் ஏற்பாட்டில், மணமகள் அலங்காரம், ஆரி வேலைப்பாடு, தையல், மருதாணி அலங்காரம் மற்றும் கேக் பேக்கிங் உள்ளிட்ட பல்வேறு துறைகளை உள்ளடக்கிய பிரம்மாண்ட போட்டி நிகழ்ச்சி நடைபெற்றது.
இப்போட்டிகளில் பல மாணவர்கள் ஆர்வத்துடன் பங்கேற்றதுடன், திறமையின் அடிப்படையில் தெரிவு செய்யப்பட்ட மாணவர்களுக்கு சான்றிதழ்களும் விருதுகளும் வழங்கி கௌரவிக்கப்பட்டனர்.
நிகழ்ச்சியின் சிறப்பு விருந்தினராகப் பிரபல நடிகை அபிராமி கலந்துகொண்டு சிறப்பித்தார். அவர் மாணவர்களின் திறமைகளைப் பாராட்டியதுடன், அவர்களின் எதிர்கால முயற்சிகளுக்கு வாழ்த்துகளையும் தெரிவித்தார்.
நிகழ்ச்சிக்கு ‘ஸ்டேய் இன் முபீ’ சலூன் ஏற்பாட்டாளர் உவய்ஸ் முபீனா தலைமை தாங்கினார். மேலும், ‘க்ரியேட்டிவ் சல்யூஷன்ஸ்’ (Creative Solutions) ஒருங்கிணைப்புக் குழுவினரும் நிகழ்ச்சி ஏற்பாடுகளில் இணைந்து செயல்பட்டனர்.
பல்வேறு துறைகளில் நடைபெற்ற போட்டிகளில் வெற்றிபெற்றுத் தெரிவு செய்யப்பட்ட மாணவர்கள் சான்றிதழ்களையும் விருதுகளையும் பெற்றுக்கொண்டனர். இந்நிகழ்வு அவர்களின் திறமைகளை வெளிக்கொணரும் சிறந்த வாய்ப்பாக அமைந்தது.
