பால் மா, யோகட் மற்றும் திரவப் பால் உள்ளிட்ட பல பால் பொருட்களின் விலைகள் உயர்த்தப்பட்டுள்ளதாகச் சமூக வலைத்தளங்களில் பரவி வரும் தகவல்கள் முற்றிலும் உண்மையற்றவை என அறிவுருத்தப்பட்டுள்ளது.
நுகர்வோர் விவகார அதிகாரசபை (CAA) இதனை தெரிவித்துள்ளது.
BREAKING NEWS என்ற பெயரில் பால் மா, செறிவூட்டப்பட்ட பால் மற்றும் யோகட் ஆகியவற்றின் விலைகள் அதிகரிக்கப்பட்டுள்ளதாக போலிப் பதிவொன்று சமூக வலைத்தளங்களில் தீவிரமாகப் பரப்பப்பட்டு வருகிறது.
உண்மைத் தன்மை
இந்தநிலையில் பால் பொருட்களின் விலைகளில் எந்தவித மாற்றமும் செய்யப்படவில்லை என்றும் உண்மைத் தன்மையை உறுதிப்படுத்தாமல் இதுபோன்ற வதந்திகளைப் பகிர வேண்டாம் என்றும் நுகர்வோர் விவகார அதிகாரசபை பொதுமக்களைக் கேட்டுக்கொண்டுள்ளது.
தவறான மற்றும் உறுதிப்படுத்தப்படாத தகவல்களைப் பரப்புவது நுகர்வோர் மத்தியில் தேவையற்ற பீதியை ஏற்படுத்துவதுடன் சந்தையிலும் குழப்ப நிலையை உருவாக்கும் என அதிகாரசபை எச்சரித்துள்ளது.
இதனடிப்படையில் சந்தையில் ஏதேனும் முறைகேடுகள் அல்லது சந்தேகத்திற்குரிய விலை மாற்றங்கள் நிலவினால் 1977 என்ற நுகர்வோர் அவசர அழைப்பு இலக்கத்திற்குத் தொடர்பு கொண்டு உடனடியாக முறைப்பாடு செய்யுமாறு பொதுமக்களுக்கு அறிவுறுத்தப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்…! |
