ஹோர்முஸ் நீரிணை எங்களின் உத்தரவுக்கு மட்டுமே மூடப்பட்டு திறக்கப்படும் என்று அமெரிக்காவுக்கு ஈரான் தக்க பதிலடி தந்துள்ளது.
அமெரிக்கா, ஈரான் போருக்கு மத்தியில் சர்வதேச கடல்வழி எரிபொருள் விநியோகத்திற்காக பயன்படுத்தப்படும் ஹோர்முஸ் நீரிணையை கைப்பற்ற அமெரிக்கா முயற்சித்து வருகிறது. ஹோர்முஸ் பகுதியை விரைவில் கைப்பற்றி, அமெரிக்காவின் பகுதியாக அறிவிக்க இருப்பதாக ட்ரம்ப் தெரிவித்துள்ளார்.
எங்களது உத்தரவிற்கே ஹோர்முஸ் கட்டுப்படும்
இந் நிலையில் ட்ரம்ப் பேச்சுக்கு ஈரான் பதில் அளித்துள்ளது. இதுகுறித்து ஈரான் துணை வெளியுறவு அமைச்சர் கசெம் கரிபாபாதி தெரிவித்துள்ளதாவது,
ஹோர்முஸ் நீரிணை ஈரானைச் சேர்ந்தது. அது ஈரானிடமே உள்ளது. ஈரானிடம் தான் என்றும் நிலைத்திருக்கும். ஈரானின் உத்தரவுகளுக்கு மட்டுமே மூடப்படும், திறக்கப்படும். உங்கள்(ட்ரம்ப்) தோல்வியை ஒப்புக் கொள்ளாத வரை முடக்கம் தொடரும் என்றார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
