கூரியர் சேவை என்ற போர்வையில் கட்டுநாயக்கவிலிருந்து கலென்பிந்துனுவெவவவிற்கு போதைப்பொருள் கடத்திய இரண்டு சந்தேக நபர்கள் மோட்டார் சைக்கிள் ஒன்றுடன் கைது செய்யப்பட்டுள்ளனர்.
நவக்குளம் சந்திப்பில் திடீரென நடத்தப்பட்ட போக்குவரத்து சோதனையின் போது ஒரு மோட்டார் சைக்கிள் பரிசோதிக்கப்பட்டது.
நடத்தப்பட்ட விசாரணையில் சிக்கிய மற்றையவர்
அப்போது, அதன் ஓட்டுநர் தான் ஒரு கூரியர் சேவைக்காகப் பணிபுரிவதாகவும், கட்டுநாயக்கவிலிருந்து வருவதாகவும் கூறினார். அதைத் தொடர்ந்து, அவர் கொண்டு வந்த பொருட்கள் மீது சந்தேகம் எழுந்தபோது,நடத்தப்பட்ட சோதனையில் அவை சட்டவிரோத போதைப்பொருட்கள் என்பது தெரியவந்தது.
சந்தேக நபர் பின்னர் மொரகொட காவல் நிலையத்திற்கு அழைத்துச் செல்லப்பட்டார். அங்கு மேலதிக விசாரணையின் போது, அவருடன் தொடர்பில் இருந்த மற்றொரு சந்தேக நபர் அமுனுகொல பகுதியில் வைத்த கைது செய்யப்பட்டார். சந்தேக நபர் கைது செய்யப்பட்டபோது, அவரிடமிருந்து போதைப்பொருட்களும் கைப்பற்றப்பட்டிருந்தன.
இளைஞர்கள், யுவதிகளின் பெயரில் சிறிய பொட்டலங்கள்
அவர் கைது செய்யப்பட்டபோது, கலென்பிந்துனுவெவ, யக்கல்ல, மற்றும் படிகரமடுவ உள்ளிட்ட பல பகுதிகளில், இளைஞர்கள் மற்றும் இளம் பெண்களின் பெயர்களில் போதைப்பொருட்கள் அடங்கிய தனித்தனி பொட்டலங்கள் கண்டெடுக்கப்பட்டன.
கூரியர் சேவை மூலம் கொண்டு செல்லப்பட்ட அந்தப் பொட்டலங்களில், விநியோகத்திற்கான போதைப்பொருட்களைத் தவிர வேறு எந்தப் பொருட்களும் இல்லை என்று காவல்துறை தெரிவித்துள்ளது.
இந்த சந்தேக நபர்கள், வாரத்திற்கு ஒருமுறை இணையம் மூலம் கவனமாக ஓடர்களைப் பெற்று, கலென்பிந்துனுவெவ பகுதியிலுள்ள கிராமங்களில் கூரியர் சேவைகள் என்ற போர்வையில் இந்த போதைப்பொருட்களை இளைஞர்கள் மற்றும் இளம் பெண்களுக்கு விநியோகிக்கும் ஒரு மோசடிக் கும்பலில் ஈடுபட்டுள்ளனர் என்பதும் மேலும் தெரியவந்துள்ளது.
இவ்வாறு கொண்டு செல்லப்பட்ட போதைப்பொருட்களின் மொத்த அளவு 1,570 ஆகும்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
