ஒருங்கினைக்கப்பட்ட குற்றவாளியாகக் கருதப்படும் ‘பேக்கோ சமன்’ என்பவரின் தாயாரை சுட்டுக்கொலை செய்வதற்கு வெடிக்காரர்கள் வந்ததாகச் சந்தேகிக்கப்படும் மோட்டார் சைக்கிள் ஒன்றும், சிவப்பு மற்றும் கருப்பு நிறத்திலான இரண்டு தலைக்கவசங்களும், கருப்புப் பையும் ஊருபொக்க – மாத்தறை பிரதான வீதியின் தம்பஹல நாரம்பொல பகுதியில் அமைந்துள்ள பாலத்திற்கு அருகிலுள்ள தோட்டமொன்றில் வீசப்பட்ட நிலையில் இன்று காலை ஊருபொக்கப் காவல்துறையினரால் மீட்கப்பட்டுள்ளன.
இத்தகைய துப்பாக்கிச் சூட்டுச் சம்பவம் புதன்கிழமை (12 ஆம் திகதி) மாலையில் மித்தெனிய பகுதியில் இடம்பெற்றிருந்ததுடன், அதில் மித்தெனிய, உல்ஹிதியாவப் பகுதியைச் சேர்ந்த ரேணு மல்காந்தி (57) என்ற பெண்ணும் உயிரிழந்திருந்தார்.
வியாழக்கிழமை (13) காலை குருந்து வெட்டுவதற்காக அப்பகுதிக்கு வந்த நபர்கள், தோட்டத்தில் மோட்டார் சைக்கிள் ஒன்று கிடப்பதைக் கண்டு அது குறித்து ஊருபொக்கக் காவல்துறையினருக்குத் தகவல் வழங்கியதை அடுத்து, காவல்துறையினர் அங்கு வந்து அதனை மீட்டுள்ளனர்.
மேலும், அந்த மோட்டார் சைக்கிளுக்கு அருகில் அதன் காப்புறுதிச் சான்றிதழும் (Insurance) வருமான வரி உரிமமும் (Revenue License) கண்டெடுக்கப்பட்டுள்ளன.
மித்தெனியவில் நடைபெற்ற துப்பாக்கிச் சூட்டுச் சம்பவத்திற்கு இந்த மோட்டார் சைக்கிள்தான் பயன்படுத்தப்பட்டதா என்பது குறித்து மேலதிக விசாரணைகள் மேற்கொள்ளப்பட்டு வருவதாக ஊருபொக்கக் காவல்துறையின் பதில் பொறுப்பதிகாரி மஹிந்த தெரிவித்தார்.
