Last Updated:
Eternal, Bajaj auto, Bajaj finance, Mahindra & Mahindra, Shriram Finance உள்ளிட்ட நிறுவன பங்குகள் 2 சதவீதம் அளவிற்கு சரிந்தன.
ஆபரணத் தங்கம் விலை சவரனுக்கு ஒரே நாளில் 2,160 ரூபாய் குறைந்தது.
பல்வேறு பொருளாதார காரணங்களால் கடந்த நான்கு நாட்களாக அதிகரித்து வந்த தங்கம் விலை, வெள்ளிக்கிழமை அன்று அதிரடியாக குறைந்தது. அதன்படி, சென்னையில் ஆபரணத் தங்கம் விலை சவரனுக்கு 2,160 ரூபாய் குறைந்து, ஒரு லட்சத்து 5 ஆயிரத்து 840 ரூபாய்க்கு விற்பனையானது. அதேபோல், கிராமுக்கு 270 ரூபாய் குறைந்து 13,230 ரூபாய் என நிர்ணயம் செய்யப்பட்டது.
மேலும், வெள்ளி விலையை பொறுத்தவரையில் கிராமுக்கு 5 ரூபாய் குறைந்து 240 ரூபாய்க்கும், பார் வெள்ளி கிலோ 5,000 ரூபாய் குறைந்து 2 லட்சத்து 40 ஆயிரம் ரூபாய்க்கும் விற்பனையானது.
இதற்கிடையே, இந்திய பங்குச்சந்தைகள் தொடர்ந்து ஐந்தாவது வர்த்தக நாளாக சரிவுடன் நிறைவடைந்தன. அதன்படி, மும்பை பங்குச்சந்தையில் சென்செக்ஸ் 331 புள்ளிகள் சரிந்து 76 ஆயிரத்து 59 புள்ளிகளுடனும், தேசிய பங்குச்சந்தையில் நிஃப்டி 102 புள்ளிகள் சரிந்து 23 ஆயிரத்து 767 புள்ளிகளுடனும் நிறைவடைந்தன. குறிப்பாக, Eternal, Bajaj auto, Bajaj finance, Mahindra & Mahindra, Shriram Finance உள்ளிட்ட நிறுவன பங்குகள் 2 சதவீதம் அளவிற்கு சரிந்தன.
