2024 ஜனவரி முதல் இந்த ஆண்டு ஜூன் மாதம் வரையிலான காலகட்டத்தில், மொத்தம் 2,518 மருத்துவ அதிகாரிகள் பொது சுகாதார சேவையிலிருந்து ராஜினாமா செய்துள்ளனர் என்று சுகாதார அமைச்சர் சுல்கெப்லி அஹ்மத் கூறுகிறார்.
இருப்பினும், மொத்தத்தில் 3%க்கும் குறைவான, அதாவது 71 மருத்துவ அதிகாரிகள் மட்டுமே வெளிநாடுகளில் பணிபுரிய ராஜினாமா செய்துள்ளனர் என்று சுல்கெப்லி கூறினார்.
மருத்துவ அதிகாரிகள் சம்பந்தப்பட்ட அறிவுசார் புலம்பெயர்வுப் பிரச்சினை மலேசியாவிற்கு மட்டும் தனித்துவமானது அல்ல, மாறாக உலகம் முழுவதும், குறிப்பாக வளரும் நாடுகளில் இது நிகழ்கிறது என்று அமைச்சர் கூறினார்.
அதிக வருமானம் ஈட்டும் மற்றும் வலுவான நாணயங்களைக் கொண்ட நாடுகளில் வழங்கப்படும் சிறந்த சம்பளத் தொகுப்புகள், தொழில் வாய்ப்புகள் மற்றும் பணிச்சூழல்கள் காரணமாக இந்த மருத்துவர்கள் பெரும்பாலும் இடம் பெயர்கின்றனர்.
ஜனநாயகத்தைப் பின்பற்றி, திறந்த பொருளாதாரத்தைக் கொண்டிருக்கும் எந்தவொரு நாட்டிற்கும் தொழிலாளர் இடப்பெயர்வு என்பது தவிர்க்க முடியாத ஒரு யதார்த்தம் என்றும் சுல்கெப்லி மேலும் கூறினார்.
பல்வேறு காரணங்களின் அடிப்படையில் இடமாற்றம் செய்வது மருத்துவ அதிகாரிகளின் தனிப்பட்ட முடிவாகும்.
அதே நேரத்தில், மலேசியாவில் நடைமுறையில் உள்ள சட்டங்கள் மற்றும் விதிமுறைகளுக்கு இணங்க, தனியார் துறை அல்லது பதிவுசெய்யப்பட்ட வெளிநாட்டுத் திறமையாளர் ஆட்சேர்ப்பு முகமைகள் மூலமான திறமையாளர் ஆட்சேர்ப்பு அனுமதிக்கப்படுகிறது, என்று வி. கணபதிராவ் (பிஎச்-கிளாங்) அவர்களின் கேள்விக்கு எழுத்துப்பூர்வமான நாடாளுமன்றப் பதிலில் அவர் கூறினார்.
-fmt
