மறுபுறம், கடன் பெறுபவருக்கு நல்ல கிரெடிட் ஸ்கோர் (credit score) இருந்தால், அவருக்குக் கடன் கிடைப்பது மட்டுமல்லாமல், வட்டி விகிதத்தில் சலுகை கோரி வங்கியுடன் பேச்சுவார்த்தை நடத்தவும் முடியும். நல்ல கிரெடிட் ஸ்கோர் காரணமாக வங்கிகள் சில சமயங்களில் சிறந்த வட்டி விகிதங்களை வழங்கக்கூடும். எனவே, வீட்டுக் கடன் அல்லது வேறு ஏதேனும் கடனுக்கு விண்ணப்பிக்கும் முன், ஒரே ஒரு வங்கியை மட்டும் அணுகாமல், பல்வேறு வங்கிகளை ஒப்பிட்டுப் பார்த்துச் சிறந்த சலுகையைத் தேர்ந்தெடுப்பதே புத்திசாலித்தனமாகும்.
