கோலாலம்பூர்:
பேராக் மாநிலத்தில் கடந்த ஜூலை 1-ஆம் தேதி முதல் நடத்தப்பட்டு வரும் சிறப்பு அதிரடி சோதனையில், போதைப்பொருள் பயன்படுத்திய 39 வர்த்தக மற்றும் பொதுச் சேவை வாகன ஓட்டுநர்கள் மலேசிய போக்குவரத்துத் துறையினரால் (JPJ) கைது செய்யப்பட்டுள்ளனர்.
இச்சோதனையின் போது மொத்தம் 153 ஓட்டுநர்களுக்கு போதைப்பொருள் பரிசோதனை நடத்தப்பட்டதில் 39 பேருக்குப் பாதிப்பு இருப்பது உறுதி செய்யப்பட்டது. இதனைத் தொடர்ந்து, அவர்களில் 27 பேரின் ஓட்டுநர் உரிமங்கள் உடனடியாக முடக்கப்பட்டுள்ளன என்று பேராக் மாநில JPJ இயக்குனர் முகமட் யுசோஃப் அபுஸ்தான் தெரிவித்தார்.
கைது செய்யப்பட்டவர்களில் 38 பேர் லோரி போன்ற வர்த்தக வாகன ஓட்டுநர்கள் (Commercial vehicle drivers) என்றும், ஒருவர் பொதுச் சேவை வாகன ஓட்டுநர் (Public service vehicle driver) என்றும் அவர் சொன்னார்.
அவர்களில் கெத்தும் (Ketum): 18 பேர், மெத்தம்பேட்டமைன் (Methamphetamine / Syabu): 16 பேர், மார்பின் (Morphine): 3 பேர், கஞ்சா (Cannabis): 2 பேரும் பயன்படுத்தியுள்ளனர்.
The post பேராக்கில் JPJ சோதனையில் சிக்கிய 39 லோரி ஓட்டுநர்கள்; கெத்தும், ஐஸ் போதைப்பொருள் பயன்படுத்தியது அம்பலம்! appeared first on Makkal Osai – மக்கள் ஓசை.
