எரிசக்தி நெருக்கடியை அடுத்து அரசாங்கச் செலவினங்களைக் கட்டுப்படுத்தும் வகையில், நாடாளுமன்ற உறுப்பினர்கள், அமைச்சர்கள் மற்றும் பிற அரசு அதிகாரிகளுக்கு விதிக்கப்பட்ட எரிபொருள் மீதான கட்டுப்பாடுகளை அரசாங்கம் நீக்கியுள்ளது.
நிதி அமைச்சகத்தின் செயலாளர், அனைத்து அமைச்சகச் செயலாளர்கள், மாகாணத் தலைமைச் செயலாளர்கள், சிறப்புச் செலவினப் பிரிவுகள், ஆணையங்களின் தலைவர்கள், துறைகளின் தலைவர்கள், மாவட்டச் செயலாளர்கள், அரசு நிறுவனங்கள் மற்றும் சட்டப்பூர்வ சபைகளின் தலைவர்களுக்கு இது தொடர்பான சுற்றறிக்கையை வெளியிட்டுள்ளதாகத் தெரிவிக்கப்படுகிறது.
எரிபொருள் விலை நிர்ணயம்
மத்திய கிழக்கு பிராந்தியத்தில் நிலவும் போர்ச் சூழல் காரணமாக அரசாங்கச் செலவினங்களை நிர்வகிக்கும் பொருட்டு, அமைச்சர்கள், துணை அமைச்சர்கள், நாடாளுமன்ற உறுப்பினர்கள் மற்றும் அரசு அதிகாரிகளுக்கு வழங்கப்படும் எரிபொருள் படியை, மார்ச் 1 ஆம் திகதி நிலவும் எரிபொருள் விலைகளின் அடிப்படையில் நிர்ணயிக்குமாறு அரசாங்கம் ஏப்ரல் 2 ஆம் திகதி ஒரு சுற்றறிக்கையை வெளியிட்டிருந்தது.
இருப்பினும், புதிய சுற்றறிக்கையானது முந்தைய சுற்றறிக்கையை இரத்து செய்துள்ளது. அதன்படி, ஜூலை 1 ஆம் திகதி முதல் அமைச்சர்கள் மற்றும் நாடாளுமன்ற உறுப்பினர்கள் உள்ளிட்ட அரச அதிகாரிகளுக்கு தற்போதைய எரிபொருள் விலையிலேயே எரிபொருள் வழங்கப்படும்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
