மெர்சிங்: ஜாலான் ஃபெல்டா நிதார் சாலையில் உள்ள கம்போங் பெங்கலான் புக்கிட் அஸ்லி என்ற இடத்தில், ஒரு குட்டி யானை மீது கார் மோதி 5 மீட்டர் ஆழமுள்ள பள்ளத்தாக்கில் விழுந்ததில் வாகன ஓட்டி ஒருவர் காயமடைந்தார். மெர்சிங் தீயணைப்பு நிலையத் தலைவர் முகமது அலியாஸ் ஹுசின், புதன்கிழமை (ஜூலை 1) அதிகாலை 2.28 மணிக்கு தங்களுக்கு அவசர அழைப்பு வந்ததாகக் கூறினார்.
சம்பவ இடத்திற்கு ஒன்பது தீயணைப்பு வீரர்கள் அனுப்பப்பட்டதாகவும், நிலையத்திலிருந்து 27 கி.மீ தொலைவில் உள்ள அந்த இடத்திற்கு அதிகாலை 3.03 மணிக்கு அவர்கள் வந்தடைந்ததாகவும் அவர் கூறினார். பாதிக்கப்பட்டவர் குளுவாங், கஹாங்கில் உள்ள ஃபெல்டா நிதார் நோக்கிச் சென்று கொண்டிருந்தபோது, ஒரு யானைக் குட்டி மீது மோதிய பின்னர் அவரது கார் பள்ளத்தாக்கில் விழுந்தது என்று அலியாஸ் ஒரு அறிக்கையில் தெரிவித்தார். 31 வயதான பாதிக்கப்பட்டவர் காருக்குள் சிக்கியிருந்ததாகவும், தீயணைப்பு வீரர்களால் மீட்கப்பட்டதாகவும் அவர் கூறினார். அவருக்கு காலில் காயங்கள் ஏற்பட்டதாகவும், சிகிச்சைக்காக மெர்சிங் மருத்துவமனைக்கு அனுப்பப்பட்டதாகவும் அலியாஸ் மேலும் கூறினார்.
