தேசிய புலனாய்வு சேவையின் முன்னாள் பணிப்பாளரும், ஓய்வுபெற்ற மேஜர் ஜெனரலுமான சுரேஷ் சாலே, மாரடைப்பு காரணமாக கொழும்பு தேசிய மருத்துவமனையின் இதயவியல் பிரிவில் அனுமதிக்கப்பட்டுள்ளார்.
அதன்படி, அவர் சிறப்பு மருத்துவ கண்காணிப்பின் கீழ் சிகிச்சை பெற்று வருவதாக கூறப்படுகிறது.
உயிருக்கு ஆபத்து நேர்ந்தால் இவர்களே பொறுப்பு
இதற்கிடையில், இன்று (27) மருத்துவமனைக்கு வந்த பின்னர் ஊடகங்களிடம் பேசிய அவரது மனைவி, தனது உயிருக்கு ஏதேனும் ஆபத்து ஏற்பட்டால், ஜனாதிபதி அனுர குமார திசாநாயக்க, பொது பாதுகாப்பு அமைச்சகத்தின் செயலாளர் ரவி செனவிரத்ன மற்றும் குற்றப் புலனாய்வுத் துறையின் பணிப்பாளர் சிரேஷ்ட காவல்துறை கண்காணிப்பாளர் ஷானி அபேசேகர ஆகியோர் பொறுப்பேற்க வேண்டும் என்று கடந்த புதன்கிழமை சுரேஷ் சாலே தனது வழக்கறிஞரிடம் கையால் எழுதப்பட்ட ஒரு ஆவணத்தை ஒப்படைத்ததாக தெரிவித்தார்.
“அன்று வழக்கறிஞர் வந்தபோது, தனக்கு ஏதாவது நேர்ந்தால், ஜனாதிபதி, ரவி செனவிரத்ன, ஷானி மற்றும் இன்னும் சிலரே பொறுப்பேற்க வேண்டும் என்று சுரேஷ் தனது சொந்தக் கையெழுத்தில் அவருக்குத் தெரிவித்திருந்தார். அதிகாரிகள் என்ற முறையில், அவர்கள் இதை அறிந்து தேவையான நடவடிக்கைகளை எடுக்க வேண்டும்,” என்று அவர் மேலும் கூறினார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
